ثارت جنون الشعر مع جن الافكار

من طرف **نواف** الأربعاء يونيو 20, 2012 9:43 pm

ثارت جنون الشعر مع جن الافكار
واعلنت مع نفسى ســبا ق التحدى

وصار القلم يرسم تفاصيل ما صار
ويجــــــــــر مواله بــــبدى وردى

وابحرت فى بحر به العقل محتار
وقررت اســـافر للجزايل واشدى

واصب كيف الشعر به ريحة بهار
والزعفران اللـــــى من ايام جدى

ورثت انا شعرى من الشيوخ الاحرار
اللى لـــــهم بالعز صيـــــت يعدى

وقطفت من اجمل بساتين الازهار
احلى ورود الشعر من صنع يدى

اسهر طوال الليل مع شبــت النار
ودمعة صواب الشعر فى جال خدى

يا محكـــــمة شعر يقصر بالاعمار
يا كاتبيــــــن الشعر بلسان هندى

موروثنا يا ناس تلـــــفيه الاخطار
واللى اشوفه بـــــيح اليوم سدى

من لا يعرف الشعر من دونه اعذار
الشـــــــــعر من ربى ولا به تعدى

ما كل صـــــــــــقار نسميه صقار
ولا كل رجل فى المجالـــس يعدى

يا الشاعر اللى تحتمل ثقل الاوزار
ارفق على نفـــــسك وحاول تهدى

الشعر يبغا شاعر جزل بتـــــــــار
يصنع حسين القول لو كان ضدى

قوة بــــــيوته تشبه السيل مدرار
ما ضـــاعت اعلومه وزيته يندى

هذه مشـــاعر شاعر يطلب الثار
تكفـــــون يا شعار حان التصدى

اما نصون الشعر من شين الاقدار
والا نهاية شعرى اليوم هندى