دخيلك وفر دموعك ترى هدر الدموع ذلال....

من طرف **نواف** السبت أبريل 12, 2014 7:54 am

.. التّمْثَـآلْ ..

عفى الله عن خطى غدر الخناجر والضلوع ابطال....
بسامح واتركك تحت الظلام لحالك لحالك.....
دخيلك وفر دموعك ترى هدر الدموع ذلال....
وترى مافي احد يصبر مثل صبري بغربالك....
انا عيب علي انقض كلامي والرجال افعال....
واذا قلت بقطع حبالك تراني بقطع حبالك....
عشان اكسب هدب عينك تجرعت العذاب اشكال....
وليتك ترآف بحالي عشان ارآف بحالك....
مسوي في حياتي شي لايذكر ولا ينقال....
حشى حتى العدو وهو العدو ما يعمل اعمالك....
تمسيني على الهم وتصبحني على الغربال....
تقلطني فناجيلك وتقصر على دلالك ....
تحملت التعب لاجلك وانا حملي يهد اجبال....
رحلت من العذاب وماوقفت الا على جالك....
علامك كل ما جيك متواضع جيتني تختال....
معاك الى متى بصبر وصبري معك يحلى لك....
مثل ما اقبلت لعيونك لزوم ترد لي بقبال....
ومثل ماقد حشمتك حس واحشم قلبي اشوالك....
انا محد جابرني اساير معك هالمنوال....
ترى ما ني تبيع لك ولاني اصغر عيالك....
انا جيت اعشقك نبض ومشاعر ما اعشقك تمثال....
انا جيت اسكنك واحياك وابقا فيك وابقالك....
انا جيتك ضمى عاشق تعب يطرد سراب اللال....
انا جيت استفز رضاك من فرقاك والجى لك....
انا ما همتم بك عاقل انا كنت اعشقك بخبال....
انا ما كنت احبك حي كنت اعشقك هالك....
تخيل من كثر ما اخاف تلقى للزعل مدخال....
اخاف اخطي على طيفك وادوس برجلي ظلالك....
تبعتك والعرب تتبع رعود البارق الهمال....
وانا شفت المطر يتبعك في حلك وترحالك....
كآن الي خلق حسنك خلقني مع جسدك ظلال....
وصرت اقرب جسد يمشي معك بقفاك وقبالك....
ابي قلبك يحس انه فقد بمحبته رجال....
ملكته من هدب عين وخسرت رضاه بهمالك....
صحيح ان الفراق اقسى ولكن الوصال محال....
وانا صعب علي ارضي غرورك واضعف قبالك....
بعد ما حققت عيني في بعدك للرقاد آمال....
اعود للسهر ياخوي فال الله ولا فالك....
ببدل نظرتك فيني واجي لك كل يوم في حال....
بكون اقرب من ثيابك عليك ولا تهيآ لك....
بلمك وانتثرك واجمعك وارجع وانثرك بهمال....
بخونك وازعلك وارضيك وازعل منك وارضى لك....
ابرسم بالثرى وجهك وبدفن صورتك برمال....
ابي اشكي للعرب فرقاك واضحك عند عذالك....
ابي اهديك الوصال فراق واهديك الفراق وصال....
بسوي مثل ما تسوي وافعل افعالك....
عشان تعرف من فينا الزعول ومن وسيع البال....
ابيك تذوق فنجالي وانا بذوق فنجالك....
نصيحه واحتفظ فيها قصر معك الزمن او طال....
ابي تسمع كلامي زين وتحطه على بالك....
اذا حبك هبال اطفال لك عندي هبال اطفال....
ولا وابشر بعد بهبال حبٍ ماهو بهبالك....
واذا قصدك تهين اسمي عشان تشمت العذال....
حشى لا انت ولا غيرك ولا عشره من اشكالك....

الشــآعــر : حــــآمــــد زيـــد

من طرف **الثلج الاسود** الأحد أبريل 13, 2014 4:06 pm

دخيلك وفر دموعك ترى هدر الدموع ذلال.... Hwaml.com_1377530770_403

دخيلك وفر دموعك ترى هدر الدموع ذلال....

دخيلك وفر دموعك ترى هدر الدموع ذلال....

رد: دخيلك وفر دموعك ترى هدر الدموع ذلال....