ياتارك الصلاة

من طرف زائر الثلاثاء يوليو 08, 2014 12:10 pm

يــــا تارك الصلاة . . ‎اقم صلاتك قبل مماتك

انت بتصلى ...... انتى بتصلى ؟؟؟؟

لا لاسف مبصليش

والله كل ماجى اصلى معرفش اية ال بيمنعنى

بيكون نفسى اصلى وبقوم اتوضى وبرجع اعد تانى مش عارف بكسل بيحصل اى حاجة بتشغلنى بقول اما اخلص ال وراياا!!!

صح؟؟ مش دة ال بيحصل

طب انت عارف طبعا ان الفرق بين المؤمن والكافر الصـــــــلاة صح

ايوة صح

طب انت يامسلم يلى اسمك في البطاقة مسلم ترضى انك تبقى كدة ترضى انك تبقى قدام ربنا وليعوذ بالله كافر

طيب انت عارف ان اول حاجة هتسأل عليها اول متنزل قبرك هى صلاتك

اول حاجة هتسال عليها انت بتصلى ؟؟

محدش ساعتها هينفعك غير عملك وصلاتك تخيل انك مبتصليش وعملك زى الزفت تقابل ربنا ازاى ؟؟؟!!

انت ال هتحكم على قبرك ليكون ضلمة وضيق ليك ليكون واسع وبيرحب بيك

محدش يوم ما ربنا يقبض روحك هبقى معاك غير عملك وصلاتك مكان ضلمة ياتنقذ نفسك منة يااما تضيع فية

انت ناسى ان ربنا سبحانة وتعالى قال

.. ( إن الصلاة كانت على المؤمنين كتابا موقوتا ) ..

يعنى الصلاة دى فرض ربنا فرضة علينا لازم يجماعة نصلى

بجد والله دى الحاجة الوحيييييييييييييييييييييييدة ال هتنفعنا فى القبر

وكمان ربنا قال

.. ( إن الصلاة تنهى عن الفحشاء و المنكر ) ..

يعنى باالصلاة هتقدر تترك المعاصى بالصلاة الصح يجماعة ال هيا خشوع مش الناس ال بتصلى كاسم وخلاص انها بتصلى... وهى لا عين تدمع ولا قلب يخشع...

بجد صلاتك هى عمادك فى الدنيا هى ال بتقلل شهواتك هى ال بتزرع فى قلبك شوية ايمان يبعدوك عن المعاصى بجد دة رسولنا وصى على الصلاة

.. ( لا ينال شفاعتي من استخف بصلاته ) ..

تخيل ان الرسول بيقلك الناس ال مستهونة بالصلاة ومفكرهاحاجة بسيطة والناس ال مبتصليش وتاركة الامر من دماغها الرسول مش هيشفعلها يوم القيامة

ينهاااار وربنا دة الواحد عمال يعمل فى ذ نوب ددة الرسول هو املنا يوم القيامة وال هيعدينا من هذا اليوم

بجد مش هتعرف قيمة الصلاة غير اما يحصلك حاجة وحشة لقدر الله
طب ولية استنى لما تحصلى حاجة وحشة ماقوم اصلى واستعيذ من شطيانى الشاطر ال غاوينى ومغرقنا فى المعاصى

واعمل ال هينفعنى فى اخرتى

انتو متعرفوش اد اية الواااحد بيرتاح لما يتوضئ كدة ويقوم يصلى ركعتين

بجد بالدنـــــــــيا ومافيها والله كفايا الراحة ال بتدخل قلبك كفايا انها بتحميك من حاجات كتير

فعلا (ان الصلاة تنهى عن الفحشاء والمنكر )صدقت يالله

تخيل بقى ان ربنا بيحذر تارك الصلاة فى ا ياتة ياااة من العذاب والويل ال مستنيهم

.. ( فويل للمصلين ، الذين هم عن صلاتهم ساهون ) ..

تخيل ربنا بيقول( ويـــــــــــــــل )

عارفين يعنى اية يعنى اسلوب تهديد وترويع ويل للمصلين الذين هم عن صلاتهم سااااااااااهون

يعنى الناس ال مش فى دماغها الصلاة الناس ال مش بتصلى ربنا بيحذرها من عذاب اليم يوم القيامة واية مش اى عذاب دة
ســــــــــــقرعارفين يعنى ايةة سقر ؟؟؟؟

.. ( ما سلككم في سقر ، قالو لم نك من المصلين ) ..

يعنى جهنم وليعوذ بالله يعنى حاجة اكتر من جهنم كمان يعنى حاجة لا عين رأت ولا اذن سمعت ولا خطر على قلب بشر

فى ا ليوم دة هيعدى تارك الصلاة من على الصراط والملائكة بيسألو ماسلككم فى سقر اية ال جبكو هنا يقولو لم نك من المصلين

ياااااااااااااااااة انتو متخييلين اد اية الموقف صعب اد اية العذاب صعب وتقول سقر هل من مزيد عاوزة تانى عاوزة الناس ال مكنتش بتصلى ال كانت لاهيا عن ذكر ربها ال كانت بتفترى فى دنيتها ال كانت الدنيا بالنسه ليها حاجة كبيرة اوى

عظمك ولحمك يسيح وربنا يجدد خلقك من تانى عشان تتعذب تانى ااة والله انى اعجز عن وصف العذاب دة حاجة متتحكيش اصلا

طب ولية استنى ولية اروح سقر لما هى صعبة اوى كدة لية استنى الملائكة تقولى اية ال جابك هنا اية ال جابك هنا يعنى الملائكة عارفة اد اية سقر دى مش هينة

بجد لازم تاخد واقفة مع نفسك لازم تاخدى وقفة مع نفسك الا الصلاة

الا الصلاة
الا الصلاة

لدرجة انة يقوللك اعمل اى حاجة بس متسبش صلاتك

دة ربنا يشيخ حظر من عذابها ربنا فرضها علينا

ازاى نسيبها ونستهين بيها

وكمان الرسول بيقول

.. ( لا تدع الصلاة متعمدا ، فإن من تركها متعمدا ، فقد برئت منه ملة الاسلام ) ..

شفتم ازاى انت بتودى نفسك فى داهيا بتستهون بحاجة تخليك يوم القيامة كافر

ا ازاى دانا مسلم!!

فين مسلم ازاى اثبتلنا؟؟

كنت بتصلى ؟؟

لا

طب ازاى مسلم دة الرسول بيقول

.. ( ما بين الكفر و الإيمان ، إلا ترك الصلاة ) ..

يبقى ازاى بقى يامسلم تترك صلاتك اسمك مسلم اة فى البطاقة بسس

ودنيتك كافر وليعوذ بالله

صدقت يارسول الله

قال الإمام الباقر عليه السلام :
( إن مالك في صلاتك إلا ما أقبلت عليه فيها ، فإن أوهمها كلها ، أو غفل عن أدئيها ، لفت فضرب بها وجه صاحبها ) ..
.. ( بينما رسول الله صلى الله عليه و آله و سلم جالس في المسجد ، إذا دخل رجل فقام يصلي ، فلم يتم ركوعه و لا سجوده . فقال : نق كنق الغراب ، لئن مات هذا و هكذا صلاته ليموتن على غير ديني ) ..

وال يجماعة انتو مش مستوعبين تحذيرات ربنا والرسول

ان تارك الصلاة ما هو الا كــــــافر

تعرف انت حاسس دايما بضيقة حاسس ان ربنا مش بيبركلك فحاجة

انتى ديما حاسة ان حياتك مش سعيدة حاسة انك حظك مش حلو

طب سالت نفسك انا لوصليت دة كلة هيروح؟

اة وانا بقوللك اةة تقول مافى ناس كتيييييير بتصلى وبرضو بتحس بكدة

بقوللك

فى ناس الصلاة بالنسبه ليها

اما بتصلى عشان تستريح منها

يااما بتصلى عشان تستريح بيها

اسال نفسك انت مين فيهم؟؟

والناس ال بتصلى وتاخر صلاتها برضو دى اكبر حرام عليها لان كان فــــى
واحدة صالحة وكل اعمالها خير يوم ماماتت ودفنت وتاركوها الناس اخوها
وقعت محفظتوة جمب قبرها فرجع لها تانى واقسم بالله انة راة قبــــــرها
يولع !!!لية دة اختى مكنتش بتعمل حاجة وحشةسألو شيخ قال هى
كانت بتاخر الصلاة قال لة اة قال قبرها يولع بها لانها اخرت الصلاة عـــــن

مواعيدها!! ياااااااااااااااااة طب هتخسر اية يلى بتاخر صلاتك ؟؟؟

شوف انت بقى يلى مبتصليش خالص انت بقى اية ال هيحصل معاك !!!

انت لو قمت اتوضيت عشان تصلى ركعتين وتسجد لربنا وتعيط وتشتكيلة ايوة بجد انت متعرش ان ربنا بيسمع منك ربنا مبيزهقش منك لو روحت اشتكتلة فاليوم مليون مرة بس انت بس روح اشتكى

انت لو رحت اشتكيت حد من صحابك مرة واتنين هيزهق مش هيبنلك بس بينة وبين نفسة خلص بقى كل واحد فية ال مكفية ايوة فعلا

لية دة ربنا عوزك دة ربنا ال بيطلب منك تروحلة وتشتكيلة وتقف بين ادية وتذل له

دة رب العزة بيتنزل من السماء كل ليلة فى الثلث الاخير من الليل

فيقول(هل من تائب اتوب عليه _هل من مستغفر فاغفر له)

ياة دة ربنا بيطلب منك بيقولك فى حاجة عاوزة البهالك

داحنا يجماعة فى اشد الحاجة لربنا والله

شوف نعم ربنا عليك ادددددددد اية

شوف ربنا وقف جمبك ادددد اية

وانت ياعبد

مش قادر تصليلة خمس مرات فى ا ليوم!!!!!!!

مش قادر في منتصف الليل كدة تقوم تصلى ركعتين وتتطب من ربنا ال انت عاوزة

بجد والله متتخيليش انت قد اية هترتاح

اد اية هتحس بالفرق بجد

اد اية هتحسى ان ربنا بيباركلك فى كل حاجة

الصــــــــــــــــــلاة يجماعة

بجد متستهونش بالكلمة دى

ربنا ورسولة بيوصوك عليها

ربنا ادملك كتييييييييير اوى مش قادر تردلة جميلة بحاجة بسيطة بقى

مش نفسك تقف بين ايدية مش نفسك تسجد لية وتكلمة

دة مفيش اقرب لله غير عبد ساجد بين ايدية مش نفسك تبقى قريب لربنا بقى

كفايا هناخد اية م الدنيا دى والله ماهناخد حاجة
منها

والله مافى حاجة هتنفعنا م المعاصى ال بنعملها!!

مفيش حاجة هنخدها منها غير عملنا الصالح والصلاة

انت بقى يلى مبتصليش لو مت دلوقتى هتاخد اية معاك !!!!!!!

ولا حاجة

خد وقفة مع نفسك

قول لا انا مش هفضل كدة

انا مش عاوزة ول انا عاوز ابقى بعيد\ة عن ربنا اكتر من كدة

انا هقوم اتوضى واصلى ركعتين اطلب فيهم من ربنا يتوب عليا يصلح حالى

اسجد له اطلب منة يقف جمبى فكل محنى وشدتى اطلب منة يمن عليا ادعيلة واتيقن من اجابتة ليا

واتاكد ان ربك مبيسبش حد

والحديث مروي عن أنس بن مالك رضي الله عنه عن النبي صلى الله عليه وسلم فيما يرويه عن ربه عز وجل، قال:

((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري.

يعنى ربنا مستنيك تعمل خطوة تقربك لية

ياريت بقى متكبرش وتنفض ولا اكنك قريت حاجة وخد وقفة مع نفسك واعمل خطوة بسيطة بركعتين تقف فيهم بين ايدين ربنا وتتطلب منة كل حاجة انت عيزاها

محدش هينفعك غير ال خلقك
محدش هيقف جمبك فى مشاكلك ومحنك غير ربنا

لسة مش عاوز تروحلة
لسة مش ناوى تصلى بقى

دة الشباب هما ال بقو بيمتو اكتر من الكبار

الحق نفسك ومتستهونش

جايز دى رسالة ربنا اراد انك تقراها عشان يفوقك من غفلتك

دى رسالة ربنا اختارك تقراها عشان بيحبك وعوزك تقر ب لة

اعمل بيها قبل متندم وتقول (يارتنى) ربنا حذرنى وانا مسمعتش الكلام وكبرت

.. ( صلاة فريضة خير من عشرين حجة ، و حجة خير من بيت مملوء ذهبا يتصدق منه حتى يفنى ) ..

ومش هقوللك غير

......صلـــــــــــــــى قبل ان يصلــــــــــــى عليك.....

صلى قبل ما يجى اليوم ل يصلو فية عليك وتقول يارتنى

يقال انك لو عرفت ال هيحصل يوم القيامة

هتفضل تصلى لغاية موسطك يطقتم من خوفك من هذا اليوم المروع

احنا فيها انت لسة فيك نفس قوم صلى ومتسبش الصلاة مش هتعرف قيمتها غير يوم ميتقفل عليك قبرك وكل الناس تنفض من حولك
ومفيش حاجة هتنفعك غيرها

متستهونش صدقنى كل ال ها يقرى الدرس دة ربنا اخترهم عشان يصلو

استجيب لربنا عشان متقولش يارتنى سمعت كلامك يارب يارتنى كنت صليت يارب

يارتنى مسمعت كلام شيطانى ال اغوانى وخلانى اترك صلاتك يارب

هقولهاللك تاني

......صلـــــــــــــــى قبل ان يصلــــــــــــى عليك.....

يارب تفوقو من الغفلة يبنات ويا شباب وتعمل حاجة تنفعك بقى فى الدنيا دى

يارب تتقبلو كلامى وتعرفو ان ربنا اخصنى ابعت ليكم الموضوع دة عشان قلبى على شباب وبنات المسلمين م ا لغفلة وعشان تفوقو قبل اى مكروة يحصلكم ربنا يعفيكم ويسلمكم من كل شر

وياريت متقلش ايه ده هى بتخوفنا كدة لية هى اسلوبها شديد وفية ترويع كدة لية االدين يسر !!!!!! مشهقوللك غير انى مش مستفادة حاجة منك غير ان بيقظك من غفلتك عن اهم حاجة فى دنيتك

والدين يسر فى الصح مش الغلط!!

الصلاة عماد الدين

وخليك متاكد الصـــــــــــلاة ثم الصــــــــلاة ثم الصـــــــــلاة

ربنا يهدى كل امة محمد اجمعين يــــــــــــــــــــــــــــــــــارب