قصة طلاق تسعه اشهر زواج فقط

من طرف **الثلج الاسود** الأحد ديسمبر 14, 2014 7:43 am

السلام عليكم ورحمة الله وبركاته
بحاول أختصر عليكم موضوعي وابغى رأيكم وتدعون لي برجوع زوجي
انا تزوجة قبل 9 شهور وقبل شهر ونص تطلقت طلقة وحدة وحامل والسبب نفسية الحمل لأن معاي إكتئاب الحمل
تزوجة واحد الحمدلله محافظ على صلاته طيب معاي بس مشكلته ضعيف الشخصية يروح يقول لأهله كل شئ انا سكنت تحت أهله وأمه واخواته فوق والبيت بيت أخته ملك لها وذالتني لأنه بيتها مع أن زوجي يقدر يستأجر برا بس مايقدر عشان ماتزاعل أمه واخواته وإخوانه متزوجين وسأكنين برا وعايشين حياتهم مع زوجاتهم إلا أنا مراقبة اذا سمعو صوت الباب تفكر جات الاتصالات عيونهم علي يدورون الزلة مع اني أقسم بالله ماقصرت معهم تخيلي ثاني شهر من زواجي يقول زوجي يلا نفطر برا اقول نأخذ أخواتك معنا أخذهم نروح السوق سوا اطلع لهم تقريبا كل أسبوع اسوي قهوة ولا واطلع مرضى أمه وصليت الفجر وطلعت أسلم عليها وجلست معها إلى الظهر مع أنه حريم أولادها ماسو زي ماسويت ولا جو زاروها
اتصل عليها لما تسافر وياليتها ترد علي الله يكتب أجري
بس عنده اخت كبيرة متزوجة غيورة بشكل فضيع تحاسبني وتدقني بلكلام على اثاث بيتي على روحتي على كل شئ
اذا رحت لأهلي وراح معاي زوجي تزعل أمه ليه يجلس معاي أهلي طبعا في مدينة ثانية
ابوي جاب لي فاكهه راحو بناتها يعلمون امهم جات تقول لزوجي اذا اشتريت فاكهه لبيتك جيب معك لنا بغيت أتكلم اقول ابوي الي جابها بس سكت
حسبي الله ونعم الوكيل
يوم حملت وبدأ الوحام والنفسية زفت وفوق ذا أخذ حبوب مثبته يمين الله شوي أفقد عقلي منها صرت اتضارب مع زوجي ويرتفع صوتي وأهله مايسكرون ابوابهم فيسمعون تدرون وش قالو عني مريضة
تخيلو حامل نفسية زفت تعب فوق ذا يجون يقولون لزوجي زوجتك قالت وفعلت كرهت زوجي كرهت بيتي محد رحمني وصلت لدرجة أمد يدي على زوجي بس مو ضرب قوي لا دي وكذا
رحت لأهلي في الحج هم استغلو الفرصة مسكو زوجي قلبو رأسه علي وراح هو قالهم عن كل شئ يصير بينا تخيلو ياناس رحت من عند زوجي وهو يكلمني طول الطريق ويوصيني على نفسي وبس طلع لأهله ونزل تغير الرجال خلال ساعة بس غيروه اتصل علي يقول أنتي ماسلمت على أختي تخيلو عشان رحنا لاخوة وجات أخته مدت يدها وماشفتها قالت فلانة سلمي قمت سلمت يعني وربي مو قاصدة هالشي
راحت أخته تفتن تقول لزوجة أخوه اني اقول عنها كلام قالته عن أم زوجي وأقسم بلله ماصار هالشي
رجعت بعد الحج بعد مارجعني ابوي لبيتي وحل المشكلة بيني وبين زوجي
وياليتهم ريحوني أخته بكل حقارة تقول لزوجي جاء مقطع وصخ في التلفزيون تقول فلان طالع انا استحيت ونزلت رأسي وزوجي استحى وقال غيرو القناة
اذا راح يودي اخواته مكان وأتصلت عليه يزعل ويكلمني بأسلوب مو حلو ويرجع البيت يصعب علي مع أنهم يتصلون عليه لما أكون معه وأقول شئ صابره تخيلو من بعد الحج وهو متغير علي الله واعلم وش قالو له عني
رجع البيت وعصب ليه تتصلين علي وجاء بيطلع مت البيت منعته خفت يطلع لاهله ويزيدون الشرارة مابيهدونه مسكني بشعري وسحبني
اليوم الثاني قال يلا بوديك رابغ لاني كنت ابغى ذا الشئ طلع يعطي أهله خبر وطبعا طلب مني مفتاح البيت عشان يعطيه أمه لاحظو مافيه خصوصية طلع وتأخر أرسلت له رسالة قلت انا جاهزة مارد اتصلت مقفل جواله جلست اتصل وقفل شوي نزل معصب ومسكني وجلسني على الكرسي بقوة واذا جيت أقوم يرجع يجلسني حسبي الله ونعم الوكيل عليه ماقدر اني حامل وصفقني كف الله ينتقم من أهله
وأتصل على أبوي يقول تعال خذ بنتك وبعدها ندم وجاب اخوه يصلح اخوه ذا عارف خبث اهله مشيتها له رحت رابغ نكد في نكد لدرجة قلت له تبغى الي في بطني ولا انط من على السرير وانزلها كرهني في عيشتي
رجعنا من رابغ وأهله مقهورين وصلت فيهم لدرجة مايسلمون علي
جاء اليوم الي تطلقت فيه والسبب أخته مقهورة لأنه وداني رابغ وتمشينا سوا صارت بس تدق على اخوها يلا ودني المستوصف وداها اليوم الثاني قلت له ابغى المستشفى بصلح أشعة ومنها حسيت نفسي تعبانة والله ي اعالم اشتغل في المطبخ وارفع رجل وأنزل رجل من التعب وفوق ذا حرم علي مايوديني المستشفى وراح ودى أخته وياليته عشان شئ يستاهل بس عشان تأخذ عذر طبي لانها مدرسة وغابت عصبت صراحة وزعلت ومسكته فديته بقوة من الزعل والتعب الي فيني وطلع برا وطلق بثلاث الحمد لله الشيخ حسبها وحدة
وجاء عندي قالي يلا تروح لأهلك ماكنت عارفة انه طلق يوم جابني لأهلي قال لأبوي بروح الصيدلية بعدها اتصل على ابوي يقول جبت بنتك معززة مكرمة أغراضها وورقتها بيوصلونها وانا طلقت واذا تبغى شئ كلم اخوي
قال ابوي طيب وراح ابوي الله يصلحه أرسله اليوم الثاني ارسل النفقة وجيب ملابس وذهب بنتي
وصار ابوي واخوي يحطون توبيكات مالها داعي مثل (تربية النساء لاتخرج إلا أشباه الرجال )ومادري وش عاد زوجي زعل وأخوه يتصل على أبوي يقول غشيتونا بنتك مريضة وبشتكيك في المحكمة غشيتنا تخيلو مرة قلت لزوجي انا كان عندي عين قبل 7 سنين والحمدلله تعافيت واتوقع لآ هو عيب ولاحرام هذا من ربي المصيبة اخوه الي جلس يعايرني ولده فيه مس الله يعافينا وأم زوجي فيها حسد وعين جابو اغراضي وانا في صدمة لأن ابوي ماقالي اانه طلق قال يقول بيطلق
جلست اتوقع 3 أسابيع ماكلمت زوجي ولا أرسلت له أرسلت له اعتذر له قال أبوك قطع الحبال المفروض يوم قلت له طلقت قال ألعن الشيطان وبنحل مشاكلكم لاكن من ثاني يوم يقول ارسل النفقة مادري وش أهم حياته بنته ولا الفلوس لاكن أبوك مايبغاك ترجعين
كلمه عمي الي مو متزوج قال لا خلاص الي بينا انتهى وبشوف حياتي الجديدة وهي تشوف حياتها الجديدة وحط توبيك انه ألغى الرقم
انا قلت في نفسي كذاب مالغى جواله
جلس أسبوعين وقام فك البلوك عني وفكيت البلوك انا كمان قمت أرسلت انه طلع معاي إكتئاب الحمل الجنين وزنه صغير بسبب نفسيتي قام ارسل رسالة انتي فعلتي وانتي قصرتي معاي وأبوك يحط توبيكات بدال مايصلح شكله متوقع النهاية ذي قلت انت صادق انا قصرت معاك بس والله موبيدي أهلك جننوني ماريحتني عشان أقدر اسعدك قال انتي اهملتيني واهملتي بيتك وجلستي تطالعين في حركات أخواتي قلت انا ندمانة وعرفت اغلاطي قال رجعه مافيه قلت عمي بيجيك يتفاهم معك ويصلح قال قولي لعمك لايتعب نفسه مافيه رجعه أبد ابد قلت طيب
وصكني بلوك طيب ليه فكه وش يبغى ذا
أرسلت له رسالة نصية قلت له وش التناقض مرة تصكني بلوك ومرة تشيله بدال ماتجلس تفكر كيف تصلح بيتك الي انخرب تجلس تفكر كيف تشوه سمعتي وتمسك علي شئ يثبت اني مريضة الله يثبت برائتي عاجل غير آجل والله يعطيني أضعاف نيتي لأن نيتي الإصلاح فك البلوك وأرسل رسالة شوفي أبوك وش كاتب في الحالة ماراح أسامحه ولا أنساها له بدال مايصلحها يولعها
ووأقسم بلله لو ابغى أرجعك كان رجعتك من زمان لاكن الي بينا ماضي وانتهى واذا عندك أمل في الرجعه اقطعيه اقسم بلله مارجعك والبنت حلال عليك ماتهمني وانا خطبت وبشوف حياتي وانتي أتمنى لك حياة سعيدة
أرسلت له البنت يحرم علي ماتجلس معاي ليه مين أبوها رد انا خطبت مو فاضي لها ورجاء خاص خﻻص ﻻعاد ترسلين لي شيء
وش ذنبي عشان توبيكات ابوي واخوي وتحريض اهله يسوي فيني كذا
وينه اليوم الي قبله ماقال لي خطبت نام وصحي وطلع خاطب
المصيبة انه حنون وطيب ماشاء الله عليه ومتعلق في البنت الي في بطني
صح اني من يوم حملت نكدت عليه عيشته بس كمان اهله ماقصرو
بعد الطلاق بأسبوعين حلمت حلم وطلع تفسيره أن بيرجع زوجي وأنه تبلا علي وأهله وقفو معه وربي بيظهر برائتي وبأنبهم ضميرهم وتنقلب عداوة أهل زوجي لمحبة وفعلا زوجي وأهله اتهموني اني مريضة والله الحلم ذا فسرته عند تقريبا 5 شيوخ قالو لك رجعه لزوجك
حتى صرت أشك أنها حديث نفس مع أن الشيوخ يقولون هذي رؤيا
ذلحين عندي خالي حكيم وطيب والكل يحبه وله قبول في الأرض كلم زوجي ووعده زوجي يرد عليه قريبقريب يفكر ويرد خالي يقول إن شاء الله الأمور طيبة
تخيلو ماقال لخالي انه خطب لو أنه خطب كان قال له
وش رأيكم وش اسوي ابغى أرجع لزوجي وتعيش البنت بينا ولا اقدر اشترط بيت برا لأنه مستحيل يطلع
تخيلو إخوانه انانين محد حاول يصلح كل واحد عايش حياته وأهل يبغونه سواق لهم وش ذنبي انا
أدعو لي الله يرجع زوجي لي عاجل غير آجل ويفرح قلبي ذا الأسبوع برجعته ويصلح مابينا ويرد كيد اهله

قصة طلاق تسعه اشهر زواج فقط

قصة طلاق تسعه اشهر زواج فقط

رد: قصة طلاق تسعه اشهر زواج فقط