بدفع له المهر ومصاريف الزواج علشان يتزوجني

السلام عليكم ورحمة الله وبركته

اتمنى احد يفيدني وبدون تجريح الله يجزاكم خير ..

انا مطلقه لي 3 سنوات عمري 26 سنه ماعندي اطفال فشلت بزواجي الاول وكان عن طريق الاهل تعرفت على شخص عمره 30 شاب في جميع المواصفات اللي تحلم فيه اي بنت

هو صادق معاي علاقته فيني سطحيه مايحاول يتعمق معاي ولا يحبني بس يعطف علي كثير بس انا احبه وتعلقت فيه بجنوووون وماودي اتزوج غيره

انا جاني ورث كبير لي خاص بس ماقلت له اي شي

مره كنت امزح معاه قلت لو بنت تدفع لك المهر والبيت ومصروفها عليها وكل شي والبنت مطلقه واخلاق وبنت ناس تقبل قال اقبل ونص قلت احلف قال قسم بالله ولا راح اظلمها ولا شي بعاملها بما يرضي الله

وقال لا يكون انتي موافق جلست اضحك وغيرت الموضوع

وانا بصراحه ابيه بالحلال مابي اتواصل معاه بالحرام

خاصه اني تعبت بحياتي كثير وابي ارتاح

أنا ناويه أفاتحه بالموضوع و أدفع له المهر و تكاليف الزواج كلها علشان أتزوجه بالحلال لأني أبيييييه و ميتتتته عليه

اتمنى من الجميع يجاوبون بصدق ويقولون وش نظرتهم للبنت اللي تدفع مهرها وتكاليف زواجها ويقبلون فيها ولا يستحقرونها وينظرون لها نظره دونيه اذا كانت ادور الشخص المناسب لها اللي يخاف ربه

أنصحوني قبل ما أكلمه و أفاتحه بالزواج

هلا فيك أختي .. إنت صادقة .. بس إنتبهي لا تفتحي على نفسك باب ممكن تنجرحي منه وتتعبي أكثر ..

تعبك في الحياة ينصبر عليه .. ولسى إنت صغيرة بالعمر .. لكن من الآخر وأنا رجل وأعرف الرجال .. اللي يرضى ياخذ

فلوس من زوجته وتصرف عليه هذا مافيه ذرة رجولة .. خصوصا لو كان شرط للزواج .. وهذا النوع من الرجال لئيم وقليل كرامة

ومروة .. وبكرة بياخذك وبيخونك وبقعد يعاملك مثل الخادمة ويتملعن عليك وممكن يضربك ويهينك .. وممكن يجيك سكران ويفضحك

بين أهلك ويشمت فيك العذال .. هذه النوعية توقعي منهم أي شيء لأنه أستغلالي .. ولاحظي إنه ما يبغى يتعمق معك في العلاقة ..

المشكلة الحين حبك له .. وتجربتك السابقة ما تأثر عليك .. والله بيعوضك .. لكن أنا أشوفك مستعجلة .. تابعي مع الأعضاء هنا

ونصايحهم ولا تستعجلي .. خاصة موضوع حبك له ..

أنا ما أقول أنه حيكون زوج سيء جدا .. ممكن يكون أفضل من اللي ذكرته .. لكن في كل الأحوال هو زوج عمره

ماراح يكون جيد وراح يتعبك .. فاحذري من الموضوع لأنه خطير .. وأنا أنصحك تبتعدي عنه .. والله بيعوضك ..

الله يوفقك ..

خير ماعملتي ، أدفعي وأتزوجيه ، لا تسمعي كلام حد

وعليكم السلام ورحمة الله وبركاته ..

طيب ياعزيزتي انتِ ايش ناقصك عشان يتقدملك رجال ماناقصو شي وكمان يدفعلك مهر ويتقدملك لانك انتِ مو لانك _ عرضتي _ عليه يتزوجك ودفعتي كول حاجه ..؟

طيب مثلا صار واتزوجتوا وخاف الله فيكِ ..

هل راح تضمني انو ماراح يتزوج عليكِ .؟

وخاصة انو زي اتقولي يشفق عليكِ + انتِ اللي تكفله بكول حاجه لانك انتِ اللي تبغيه ..

..

ماراح تخافي يكون في جانب خفي ما اكتشفتيه ..؟

تضمني انو عند كول مشكله مايعايرك انو انتِ اللي سعيتي ليه .؟

..
نصيحه من اوخت ..

عزي نفسك في بيت ابوكِ ..

واللي يبغاكِ زوجه هوا اللي راح يتعب عشانك ..

وسيبي دا الرجال وربي حيعوضك بالحلال احسن نو بإذنه تعالى ..