غصبن عني حبيتها * 16*

البارت السادس عشر...
ورحت جمعت اغراضي وحطيتهم في الشنطة..ورن تلفوني..محبيت اطنشه خفت يسوي فيني شيء..فيصل:الو.. سارة:نعم بقيت شيء..
فيصل:جمعي اغراضي وحطيهم في الشنطه..سامعه..
سارة"خدامه ابوك ألي جابها":............................
فيصل بحده:سامعه..
سارة:أي سمعت...
فيصل:زين يلا...
وسكر السماعة.. وخذت ثيابه وحذفتهم على الشنطة وفاحت ريحه عطر في ملابسه...
سارة وانا اخذه واشمهم:انا لازم انساك.. لانك مو لي..ابي انساك..بس مقدر..كل مشوفه اضعف.."وغمضت عيوني اتخيل فيصل.." ودخلت كل ثيابه في الشنطه..وانا أرتب شفت صورة...صورة بنت
سارة وانا اقلب في الصورة:مو مكتوب فيها أي شيء..ليكون ذي حصة..طيب ليه صورتها هنا..هو خلاص طلقها.. اموت واعرف ليه طلقها مع انه اول حب له...ليه شوو هوا السبب...
بيت ابو بندر..
وداد:لا.أنا ابي عرس بلحالي...ماابي معي حد..
ابو بندر بسخريه:لاحلفي..
بندر:غصبن عليك مو رضى منك..
وداد:لا انتوا ألي مو على كيفكم.. هذا عرسي..
بندر:وعرسي انا بعد..
وداد وتحط رجل على رجل وبسخريه:ليكون حبيبه القلب بعد..موافقه..
بندر وهو يمسكها من يدها ويشد عليها:وداد تكلمي بأحترام..
ابو بندر:صدق انك قليله الادب.. وماتربيتي عدل..الغلط مني أنا...
بندر:معليك منها يبه هي كلامها كذا دايم يجيب المرض..الله يعينك يامنصور بس عليها...
وداد:والله محد قال له يخطبني..
ابو بندر:عقابنا لك راح تملكين وتتزوجين في نفس اليوم من دون حفله ولا عرس..
وداد مو مستوعبه:كييف؟؟؟
بندر:ألي سمعتيه..وراح تتزوجين زي بنت عمك..
وداد:لا أنا ماابي كذا..
ابو بندر:بغيتي ولا مابغيتي أنا مو مغير رايي...
وداد بصوت باكي:لا يبه..أنا ابي عرس يتكلم عليه الناس..يبه تكفى..
ابوبندر:لعدلتي اسلوبك مع الناس..وبطلتي تعاملينهم كنهم حشرات عندك..ذيك الساعه اغير رايي..
وداد بعناد:لا ماني معدلته..وبعدين وش فيه اسلوبي..الكل يحب اسلوبي..
بندر بسخريه:لاتضحكيني..محد يحب اسلوبك..ومن هم ألي يحبون اسلوبك ذول...
وداد:ربعي...
ابوبندر:مالت عليك هم مايبون يقولون لك ان اسلوبك وقح..لانهم مايبونك تنجرحين منهم...انتي وش على بالك..يمال واحد يمدحك ومن وراك يذمك...
وداد بثقه:لاانت غلطان يبه..هم مقالوا لي..
بندر:انتي غبيه..مستحيل يقولون قدامك.. بيقولون من وراك... وداد:.................
ابو بندر:والله اني مكذب عليك بس اسلوبك مو حلو...وإذا كان اسلوبك كذا مع زوجك راح يطلق وأنتي لسه مكملتي اسبوعين..
وداد بصدمه:يطلقني...
بندر:أي ويمكن بثلاث...والناس تتكلم عليك ويقولون انك انتي السبب اسلوبك معه..ويمكن يحطون عليك كلام لاصار ولا استوى..
وداد من الخوف اسكتت وطلعت....
بيت ابو جمعان...
ام جمعان :هلاوالله بأم خالد...حياك..
ام خالد:هلا بيك..الله يحيك...
ام جمعان:اخبارك؟؟ من زمان ماسمعنا لك حس..
ام خالد:وش اسوي بعد زوجي مرض من فترة..والحمدلله احين..
ام جمعان:الحمدلله..
ودخلت نورة وسارة بالعفيسه حقتهم..وصوتهم ايش طوله..كانوا لابسين قميص وسخ فيه بقع طماطم وشعرهم كان معكف.. وجاوا سلموا عليها..وراحوا..والريحه بصل وثوم يبدوا انهم كانوا يطبخون...
ام خالد مستغربه:ذول بناتك..
ام جمعان"حسبي الله عليكم من بنات فضحوني"بفشيله:أي بناتي
ام خالد(وع مكنا ابوهم يشتغل في شركه..كنا ابوهم مزارع):وش زينهم...
وبعد السوالفه والحكي..
ام خالد:اجل انا اترخص..
ام جمعان:توا الناس..توك جايه..
ام خالد:وش اسوي لازم ارجع البيت يوم أنا سايره يم بيتكم قلت اسلم عليكم..
ام جمعان:والله متقصرين..
ام خالد(جايه ومتعنيه لخطب ولدي لوحده من بناتك..بس بناتك الحمدلله والشكر..):يلا فمان الرحمن...
ام جمعان:فمان الكريم...
ام جمعان راحت لبناتهم:انتوا ماتستحون..
سارة مو فاهمه شيء:وش سوينا حنا...
ام جمعان:يعني تسون نفسكم أنكم ماتدرون ان عندي حرمه..
نورة ببرود:وش فيها الحرمه ذي يعني...
ام جمعان:حسيت انها جايه تشوفكم...وأنتوا بهل اللبس وهل المظهر...والريحه تقرف الواحد يحسن من شكله ومظهره...
نورة:ومن قال لك اني انا ابي اتزوج...
سارة:وانا بعد ماابي..
ام جمعان:لاوالله..يعني تبون تعنسون..
نورة:أي..
سارة:أي يمه احنا نبي نعنس...
ام جمعان:ومن قال لكم أن احد جاكم عشان تقولون انكم ماتبون تتزوجون... نورة انتي عمرك احين 22 سنه انتي لسه صغيرة..وألي يشوف شكلك يقول في الاربعين والثلاثين..وانتي ياسويره مالت عليك بس فالحه لي بالتلفزيون والاكل..شوفي نفسك شوي وزنك صار 100 وانتي ولا ع بالك..والصوت وش طوله..الله يعيني عليكم بس... مشاء الله على بنات اختي وحده وحده تروح..قبل كم يوم تزوجت سارة واحين ريم ملكت..
نورة:والله مش كل مجتهد له نصيب..
ام جمعان:وش دعوه انتي وياه اجتهدوا عشان ميكون لكم نصيب... "وبسخريه"تكفون انا ماابي اضحك..اي والله قال شو قال مش كل مجتهد له نصيب.. انتوا اجتهدوا بل الاول وبعدين تكلموا...

وفي فرنسا..في الفندق..
فيصل:متبين تتعشين..
سارة:............
فيصل:انا اتكلم..
سارة:لا ماابي..
فيصل:ملازم..بس انتي مردك راح تجوعين..
مرديت عليه وقعدت اسفط الملابس...وطلب اكل من الفندق واكل يمي..
فيصل بحده:يلا لقميني..
سارة ببرود:عندك يدين على معتقد..
فيصل:انتي شكلك تبين حد يضربك..عشان تسمعين الكلام..
خفت يسوي شيء ورحت يمه...
فيصل ذاب من ريحتي:انتي إلى الان ممنوعه من الصلاة...
سارة استحيت:نعم..وش قصدك؟ فيصل بنظره حاده:من حقي الشرعي اني....
قاطعته:نعم..نعم..محزرت انت مراح تلمسني سامع...
فيصل بضحك وترتني:ومن قال لك اني بستنى اذن منك...ولا رايك في الموضوع...مسكينه انتي..
وانا اوخر منه بس هو كان اقوى مني وثبتني بالكرسي..
فيصل: استريحي مكانك بس..ويلا لقميني لين مااشبع..
سارة وانا القمه:بس يافيصل انت قلت انك مراح تقرب مني ولا راح تلمسني لاني....
فيصل:غيرت رايي..
سارة بصوت باكي:انت بطلقني..
فيصل:يعني..
سارة:يعني ملازم انك...
قاطعني:والله كيفي..وبعدين انا قلت لك بخليك معلقة...وإن حبيت أطلق فهذا الشيء راجع لي...
سارة بصوت باكي:حرام عليك يافيصل تسوي فيني كذا...
فيصل بحده:لقميني وانتي ساكته..
ورن جوالي..رقم غريب..
فيصل:ردي..
سارة:الو..
صالح:هلا والله بقلبي اشتقت لك..
سارة تغير وجهي:.............
صالح:قلبي وش فيك ساكته..زعلانه صح...
وخذ جوالي فيصل وحطه على الاسبكر..فيصل بهمس:تكلمي..
سارة بخوف:لا مو زعلانه..
صالح:إلا زعلانه اجل ليه كل هل الجفا..
سارة"ياربي وش اسوي احين":قلت لك موزعلانه..
صالح:طيب...حبيبتي متى راح تردين من فرنسا والله اشتقت لك..
فيصل والشرار يطلع من عيونه ومسك يدي بقوه وبهمس:قايله له صح..
سارة:لا والله..
صالح:حبي وينك..
فيصل وهو يشد على ايدي وبهمس:ردي ياقليله الحيا..
سارة بألم:صالح لوسمحت اتركني بحالي..
صالح:مستحيل اتركك...من يوم شفتك مقدرت انساك..اي صح وشكرا على الصور..
سارة مومستوعبه الي يقوله:كييف؟؟
وفيصل سكر السماعه وعطاني كف على وجهي:انتي صدق ماتستحين..ترسلين صورك له..
سارة بألم:لاوالله انا مرسلت صوري لاي حد..هو يكذب والله يكذب...
فيصل وهو يشد على يدي اكثر:انا مدري وش اقول عنك انتي اسوى من حصة... ورماني على الارض... وطحت بنوبه بكى..وطلع من الغرفه.. وقومت نفسي وانسدحت على الكنبه بألم..ويدي تعورني بقووة..من كثر مايشد عليها.... ونمت بصعوبه...وصحيت الصبح على صوت
البود غارد:سيدتي..انهضي..
سارة بهمس:كم الساعة الان؟؟
البود غارد:الثامنه صباحا..يقول لك السيد فيصل جهزي نفسك عند الساعة التاسعة...
سارة وبعيون حائرة:التاسعة...ولماذا؟؟
البود غارد:لكي ترجعي إلى الرياض..ألم يخبركي..
سارة قمت:اووه تذكرت..نعم لقد اخبرني ولكنني نسيت...اخبره بأنني قد نهضت..وطلع البود غارد...رفعت يدي لفوق عشان انزل الشنطه..حسيت بألم شديد في يدي اليمين..
سارة بالم:آآي يعورر والله..
ورحت استحميت ولبست الملابس ألي جابهم فيصل لي..لبست بنطلون جنز اسود وبلوزه حمراء هاي نك حرير ربط وعند نهايه البلوزه ومزمزه على تحت وصندال بلاك وفتحت شعري...ومحطيت مكياج..بس غلوس احمر..

ولميت اغراضي كلهم..
سارة:وحظرته ليه مالم اغراضه منتظرني انا ألمهم.."وانا اشيل اغراضه من الارض..رن جوالي..ومن دون مااشوف من المتصل"بهمس:الو..
:هلا بقلبي سارونه..
تغير صوتي:من معي؟؟
:انا قلبك مشعل..
انصعقت مرة:وش يصير لي انا..
مشعل مو فاهم:كييف؟؟
سارة بصوت باكي:الله يرحم والديك اتركني..
مشعل:مستحيل اتركك ياسارة..مستحيل..
سارة:وليه ان شاء الله..
مشعل:لاني بكل بساطه ابيك واحبك..يابعد روحي انتي...
سارة بعصبيه:لا راح تتركني سامع..وان ماتركتني راح...
قاطعني وبكل ثقه:ماتقدرين تتركيني..وإن تركتيني راح ادمر حياتك..حياتك مع فيصل..
سارة بصمت:مع.......فيصل....
مشعل:أي ياقلبي..يعني ان مارديتي على اتصالاتي وسويتي ألي ابيه..راح اعطي فيصل كل صورك وانتي...هههههه في وضعيه غير محترمه.....
سارة بأندفاع:احترم نفسك ياكلب..لو انك رجال صحيح مقلت لي هل الكلام..ياقليل الادب..
مشعل بسخريه:صدقيني كل ألي تسوينه مو من مصلحتك...انصحك انك تكونين متعاونه وياي...

سارة بعصبيه:انت واحد وقح وقليل الادب...وسكرت التلفون بوجهه وخليته صامت...ونزلت دمعتي..
سارة بألم:وش هل المصايب ألي تصير لي..اهئ..اهئ.."وانا اجلس في الكرسي"منوا ألي يكرهني كذا..آآخ بس لو اعرف..من؟؟والله لخليه يندم طول حياته...اهئ..
ودخل فيصل..فيصل بسخريه:أنتي إلى الان ماوقفتي بكى... قومي يلا..بنرجع الرياض..
وانا معبرته حتى متلفت له ولا عطيته رد:............
فيصل وهو يقومني من الكرسي وبعصبيه ويهزني:انتي ماتسمعين..أنا لما اتكلم اتوقع رد منك ياتافهه.."صايره قمر"
سارة وانا بين دموعي وألمي من مسكه لي:عمري ماتمنيت اموت كثر اليوم.."وشهقت من البكى" ابي اموووت..."وبهمس"ابي امووووت يافيصل...ابي امووت...
فيصل(وش قاعده تقول ذي):لا انتي شكلك استجنيتي..أنا حبستك لنصف يوم مو يوم..ويلا بلا تمثيل ويلا طلعي بسررعة..
سارة وانا ابكي:هل ألي اطلبه منك مستحيل ابي امووت وبس..ما ابي منك شيء..بس ابي اموووت..
فيصل(لا لاتقولين كذا ياسارة..حياتي بلياك ولاشيء..):انا وش قلت لك..يلابسررعة قدامي..وهو يسحبني من يدي بقووة...
وأنا اكرر له اني ابي امووت..بس هو مايرد علي لين ماوصلنا طيارة فيصل..المخصصة له...وان في الطيارة متكلمت بحرف واحد..
فيصل(في نفسه..وش فيك ياسارة..منتي طبيعيه اليوم..فجاءه تقولين لي تبين تموتين..)وخذ جوالي من شنطتي وشاف4مكالامات من شخص غريب..ودق عليه..
مشعل:اخيرا الحلو تكرم ودق علي..
فيصل:............
مشعل:كل ذه زعل..أنا حبيت أهددك عشان تفكرين زين..اني انا عندي دليل يدينك..
فيصل(يدين سارة..وش هو..):........................
مشعل:قلبي سارة خلاااص مراح اكررها ان كلمتيني او رديتي على مكلاماتي...وراح انسى تهديدي عن الصورة..
فيصل بقمه غضبه:أي صور ألي قاعد تتكلم عنه..
مشعل بخوف:من فيصل؟؟"حب يسوي نفسه انه مو خايف"هلا هلا والله بالحبيب..زين انك كشفت فعايل زوجتك..أحسن من انك تكتشفها متأخر...
فيصل يسر بأسنانه:أي صور يالحقيررر..
مشعل بثقه:هههههه..روق ذول الصور الله يسلمك سارة عطتني أياهم قبل ماتتزوجك انت..كنت على علاقه معها..وإذ مو مصدق اسالها ان كانت تعرف واحد اسمه مشعل..
فيصل مو مستوعب:مشعل..صور..
مشعل:أي صور زوجتك وهي في وضعيه غير محتررمه مرررة..ههههه.
فيصل وهو معصب وانا قمت من نومي على صوته:انت واحد كلب ونذل بعد..وسكر السماعة..وناظرني بنظرات مقدرت افهمها..سارة مو فاهمه شيء:وش فيك تصرخ؟؟
فيصل وهو ماسك عصبيته:انا اعلمك ليه انا اصرخ..بس مو هنا الوعد في البيت..مع عشاقك..
سارة(عشااقي...وش السالفه..ليكون...ليكون شاف جوالي ياحسرتي...والله بمووت على يدينه...مره صالح ومرا مشعل من بيطلع لي بعد غيره...من؟؟؟)ويوم قربنا من الرياض لبست عباتي،وأنا ميته خووف وش بيسوي لي فيصل لما نرجع..قريت لي بعض الادعيه ألي انا حافظتهم...
وبعد كم دقايق وصلنا... وفيصل متكلم ولابكلمه وحده..
فيصل وهو يشد على يدي:ماابي اسمع ولاكلمه منك سامعه..بوديك عند امي عشان متشيل في خاطره..وتقول رجعتوا ولا كلفتوا نفسكم تسلمون علي...
سارة بهمس:انزين..
وركبنا السيارة... ركبوا البودي غارد سيارة لحالهم وأنا مع فيصل سيارة ثانيه...وركبت السيارة مع فيصل والبودي غارد يلحقونا..
فيصل بحده:كما وصيتك..من اقول لك قومي...تقومين ولا بتشوفين شيء ماشفتيه...سامعه..
سارة(لاتضحكني سوا سمعت كلامك ولا ماسمعت انت مطين عيشتي)...
فيصل بحده:سامعه..
سارة:أي سمعت..أي نصايح ثانيه..
فيصل:لاتطنزين انتي ووجهك...
سارة:..............
ووصلنا بيت ام فيصل لفت منظر الحديقة كانت في قمه الفخامه والروعه... وسط الحديقة نافورة كبيرة واعشاب وورود وأزهار.... وجذبني لون الذهبي واندماج البني بطريقه ساحره..ومحسيت بنفسي إلا وانا في حضن ام فيصل...
ام فيصل:هلا ببنتي..اخبارك؟؟
سارة ابتسمت:هلابيك يمه..أنا زينه"وانا افسخ عباتي"انتي اخبارك؟؟
ام فيصل وهي تصاررخ:وش صررتي.."وهي تطالع فيصل"اكييد انت متأكلها زين..
سارة ابتسمت:أنا اصلن.....
قاطعني:أنا اقول لها اكلي بس هي ماتطيع..صح سارة؟؟
سارة(أنا ارويك)سويت نفسي زعلانه:لا مو صح؟؟ أنا ودي اكل بس فصوولي يقول اني دبه ولازم اضعف....
فيصل(فصوولي!!!)بقق عيونه:هه...لايمه ذي كذابه.."وطالع فيني"انتي كذابه...
سارة وانا امد بوزي بدلع:أنا كذاابه...يمه شوفيه يكذبني بعد...احلف انك مقلت لي اني دبه وانا لازم اضعف..احلف..
فيصل وهو يبلع ريقه:انا قلت متى؟؟
ام فيصل:اسكت انت.."وهي تطالع فيني وتمسك يدي"ياحراام..معليك من فيصل..أنا اوريك فيه..
سارة وأنا امد لساني لفيصل..وهو نظراته كنه يقول لي "أنا اوريك..الوعد في البيت مو هنا..."
ام فيصل وهي تقدم لي الاكل:أكلي يابنتي..اكلي وماعليك منه....
سارة(والله جعانه مرررة مكلت شيء):ودي اكل يمه بس يدي اليمين تعورني..
فيصل:بسيطه...أكلي باليد اليسرى..
سارة:تيب..وش رايك انت تلقمني..
فيصل يبقق عيونه:نعم...نعم..وش قلتي ماسمعت..
ام فيصل:أي وش فيها..يلا قوم لقمها...بسررعة..
فيصل وهو يقوم ويجلس جنبي ويهمس:أنا اوريك ياجليله الحيا..

سارة وانا افتح فمي:آآآآه يلا لقمني(هههههه انا اوريك يافيصل)....
فيصل وهو يأخذ كميه كبيرة من الكيك ويحط فمي:اوكي..خذي(ههههه تستاهلين)
سارة وفمي ملينا..مقدرت اتكلم..
ام فيصل:حشى اشوي شوي عليها..
سارة وفمي كلا اكل:ام..لا عادي.."كحيت"(انا اوريك..أنت ألي جنيت على نفسك..)
فيصل ابتسم(هههههه):يلا سارة..اكلي زين.."وهو يفتح فمه"قوولي آآآه...
سارة وانا افتح فمي ويدخل الكيك في فمي..وبحركه سريعه عضيت يده..
فيصل بصوت عالي:آآآآي...
سارة سويت نفسي كني مدري:ووي..مكنت ادري..عسى متعورت..
وبلا شعور خذت صبعه وبستها..
ام فيصل:هههههه..هذا هي باستها لك..تحبك مسكينه..
وخرت يدي منه بسررعة واستحيت من كلام ام فيصل(قال احبه إلا امووت فيه..)
فيصل(ياليت تحبني..ياليت يمه..بس للاسف هي لا...ماتحبني)وجلسنا نسولف..
فيصل وهو قايم:يلا يمه...احنا نترخص..
ام فيصل:توا الناس..
سارة وانا ابوس راسها:معليه يمه مرة ثانيه...
ام فيصل:بس لاتقطعوني ان زين يمه..
فيصل:إن شاء الله يالغاليه..يلا سلام..
وطلعنا وركبنا السيارة.. فيصل وهو يشد على يدي:جوعاانه..هه..أنا ارويك بس مو هنا..
سارة بألم:وخرر عني..لرحنا البيت سو ألي تبيه..
فيصل بحده:اكييد..مو هنا..
وحرك السيارة...
سارة:وين بنروح احين... بيت اهلي..
فيصل بسخريه:هههه أي كثري منها...
سارة:يعني مرااح اروح لبيت اهلي..
فيصل:ايوا..
سارة:بس...
قاطعني:ماابي اسمع ولا كلمه سامعه..
سارة بحزن:أي سامعه..
ووصلنا البيت ودخلنا وكان المكان مغبر مرة..التفت لي وعطاني طرااق قووي مرره...
فيصل:انا اعطيت الخدم كلهم اجازه كم يوم...وانتي طبعا راح تنظفين المكان...كله"وهو يشد على الكلمه الاخيره"...واتوقع اني ألقى المكان يلمع وراح...
سارة"أي عشان كذا الخدامه فرحت حيل يوم قال لها" وانا امسك يده:بس البيت كبير مرررة..
فيصل وهو يشيل يدي من يده بقرف:لا بس ولامابس..برجع العشاء..اوه صحيح كنت بنسى ابي عشاء ايطالي..
سارة بستغراب:ايطالي..بس انا...
يقاطعني:مايهمني..ياويلك ان جيت وملقيت المكان منظف او العشاء مجهز.."وهو يشوف الساعة"اتوقع يمدي احين الساعة 11:30...واتوقع ان فيه وقت زيادة..استغليه... وطلع من دون مايعطيني فرصه للرد...
سارة بملل:آآآآآه بيذبحني..بيجنني...آآآه..من وين ابتدي.."وانا افكر"اممممم.. أي الدرج اسهل شيء..بس بغير ملابسي بل الاول.. ورقيت فوق ولقيت شنطتي...
سارة بفرحه:الله..لقيتها بس من حطها هنا...يمكن الخدم..وفتحت شنطتي..وانا اشم ملابسي..الله اشتقت لكم..حيييل... ولبست بجامتي الشتويه بلون البحر..مشان مبرد..رفعت شعري بتوكه.. وصندال ابيض عالي.. وتعطرت بعطري المفضل..

سارة:يووه صارت وسيعه علي....اهم شيء انها دخلت علي..أنا لازم امتن شوي..ابي يصير جسمي زي قبل.."تنهدت"فاضيه أنا خليني انظف الاول..وخذت فوطه ومسحت سياج الدرج..كان مليان غبار..ومسحت اعمدته وخذت المنب ومسحت فيه الدرج... سارة بتعب:آآآه انكسر ظهري من كثر منخ"انزل"..وانا لسه في البدايه..عليه العوض...وبعد كذا رحت غند الكراج وشلت الاشناط الي في السيارة ووديتهم غرفة الغسيل...وقعدت اغسل..سارة وانا ماسكه التلفون الثابت:خلني اتسلى ادق على الوي..هلاااا..
الاء:هلاا فيك..أخبارك؟؟ياقاطعه..كل ذه عشان انك رحتي امريكا...ترى مايسوا علينا...كان دقيتي على الاقل حسسينا أنا ربع..اش دعووه منستاهل
سارة:ههههه..كل ذه..وحده وحده عشان اجاوب"وحطيته على الاسبكر وقعدت ارتب"وانا اعلي صوتي..لاانتي الخير والبركه...بس والله انشغلت.. وتوني راجعه من فرنسا..
الاء:فررنسا!!مو امريكا..
سارة:لا هو غير مدري عنه..
الاء:وش فيه صوتك..وليه تصارخين...
سارة:ههههه لاني اشتغل..وحطيته على الاسبكر..
الاء:تشتغلين ليه وين الخدم...كل ذه تواضع..
سارة:اقول اسكتي بلاك معرفتي شيء... اصل فيصل عط الخدم كلهم اجازة كم يوم زي مايقول...وغبر البيت كله..
الاء:ههههه... ممداه يغبر توهم رايحين..
سارة:لا يالفالحه..اول من ركبنا الطيارة..هم في إيجازه..
الاء:طب كلميه.. خليه يجيب لك على الاقل مساعده..تساعدك..
سارة:أي كثري منها..إذ هو مسفرهم عشان يتعبني..تقولين كلميه..
الاء مو مستوعبه:يتعبك..طب ليه؟؟حراام عليه..
سارة"وانا انفض كنب الصاله":صاارت احداث كثيررة يألوي..يمكن مرااح تصدقيني...
الاء بحماس:قوولي........
وفي الشركة...
فهد:هلاااا
فيصل وهو يحضنه:هلاافيك..أخبارك؟؟ والله ولك وحشه..
فهد:انا زين..اخبارك انت؟؟
فيصل"زفت والله"تنهد:الحمدلله..أخبار الشغل..
فهد:وش فيك..شكلك مهموم..قول وش فيك..يمكن اساعدك...
فيصل:لامافيني شيء..بس توني راد من السفر وتعبان شوي..
فهد:روح استريح..
فيصل:الله يثبتك ويقويك...
فهد:ههههه وش شايفني قدامك عجوز تراي انا لسه شباب..
فيصل:ههههه..احلف عاد انت اكبر مني..
فهد:أي غير 5 شهور..
فيصل:وكم يوم وساعه..
فهد:هههههههه...خذ ذا الملف واقراه زين..
فيصل:وليه؟؟
فهد:لان العقود تغيرت..
فيصل:أي خلاص.."وهو يتصفح الملف"شكل الاعمال متراكمه..
فهد:شوي فيه اشياء يبي لها توقيع..وقرايه..
فيصل يتنهد:الله يكون في العون...
بيت ابو عبدالله...
سارة:تكفى عبودي..يلا ابي اروح السوق..
عبدالله:امممم افكر..
سارة:وش تفكر فيه...احين سووا تخفيضات..
عبدالله:يووه ياسارة لاتحنين..انتي متى تتزوجين وافتك منك..
عواطف وهي داخله:اختك يجونها خطاب بس هي ترفض...
عبدالله:خليها تنقلع وزوجيها أياه غضب..
سارة وهي تحط يده على خصرها:لا والله تبون تفتكون مني..
عواطف:لا مو كذا بس كل ام تتمنى تشوف بنتها عروس..
سارة:أي كثروا منها...انا ادري انكم ماتبوني...
عفراء:هااااي..
عواطف:الناس تسلم مو هااي..لمتى وانا بظل اعلم فيكم...
عفراء:يلا..السلام عليكم ورحمه الله..
الكل:وعليكم السلام...
عفراء:يمه ابي اشتري فستان...
عواطف:انعبوك تو الناس..
عفراء:لان فيه تخفيضات يمه..
عواطف:خلاص عبدالله ودهم السوق وخلهم يشترون ألي يبونا..
عفراء وسارة:هياااااا...
عبدالله:الله يكون في عوني..
عواطف:خلاص ودهم العصر...
سارة:لايمه نبي في الليل احسن..
عواطف:والله وعاد كيفك..تبين تروحين العصر كان بها أما غير هل الكلام لو تحلمين...
سارة:يوووه..وراحت..
عبدالله:أي عطيهم العين الحمراء..
عواطف:ههههه وانت وياهم..
عفراء:خخخخخخخ
عبدالله ابتسم:شب شب انتي لاتضحكين..قليله الادب..
عواطف وعفراء:ههههههه...
بيت فيصل وسارة...
سارة وانا نفسي متقطع:آآآآه تعبت"قعدت في الكرسي"آآه....وش بقى لي احين.....آه..اي باقي المطبخ والمكتبه والطبخ..آآه تعبت.. ورن جوالي..شفت الرقم غريب..سارة:الوو..
:هلا قلبي...وش فيك تعبانه ولا كنتي تركضين يوم سمعتي الجوال يرن..هل الدرجه مشتاقه لي..
سارة وانا اتنفس بصعوبه من الشغل:انت...مين..مشعل ولا صالح...
:ههههه..لاذه ولا ذه أنا..
قاطعته:حلوو..من طلع لي بعد..تفضل عرف عن نفسك...
:صلوحي..
سارة بسخريه:ايوا يااهلا..
صالح:هلافيك..
سارة:انت وش تبي فيني أنت مع مشعل...
صالح:أنا ابيك انتي أما هو ماادري عنه...
سارة:كم دفع لك؟؟
صالح:مافهمت..
سارة:ألي استأجرك عشان تدمر حياتي...من؟؟تكلم..
صالح:...................
سارة:أنا مستعده ادفع لك الي تبيه بس...اتركني...
صالح:أنا مستحيل اتركك...تصدقين أنا حبيتك..
سارة:نعم..اسمع ياأخ صالح...الله يسعدك دنيا واخره..ويحفظك ربي من كل سوء...أنا ابي اسئلك سؤال واتمنى تجاوبني..
صالح:انتي تأمرين...
سارة:طلبتك ياصالح..من الي راسلك لي عشان تدمرني؟؟؟من؟؟
صالح:.....................
سارة بصوت باكي:الله يحفظك تكلم ياصالح..تكلم ليه ساكت..والله اني تعبت والله...أنا ماأبي ادعي عليك واخاف تروح فيها...أنا ابيك تتركني بحالي..
صالح(جات على الوتر الحساس)وبهدوء:سارة..
سارة:سم..
صالح(ذي بتذبحني بكلامه):انا ماأبي اذيك..
سارة بصوت باكي:بس أنت تاذيني طالما انت تكلمني...
صالح بحنيه:سارة اسمعي...مدري وش اقول لك..
سارة:قول متخاف ياصالح..أعطيك الامان..
صالح:أنا من طرف.....طرف..
سارة:أي طرف من؟؟
صالح:اخاف تكرهينها...واسبب العداوه..بس انا بقول لك عشان تحذرين منها...
سارة:هي بنت!!! من هي؟؟انا ماأكره ياصالح...
صالح:هي سارة بنت خالك...
سارة مو مستوعبه ألي يقول له:نعم..يمكن أنا مسمعت عدل..عيد..ماسمعت..
صالح بجديه:اذانك مخطات...سارة بنت خالك..هي ألي تكرهك..وتبي تبعدك عن فيصل بأي وسيله...
سارة كنا نكب علي ماي:طب ليه تسوي كذا..ابي اعرف ليه ياصالح؟؟؟
صالح:أنا سالتها بس كلا تقول لي مو شغلك...حاولت اعرف بس هي دايم تقول لي اهتم بشئونك الخاصة...
سارة بنوحه:اهئ..لامصدق..اهئ..اهئ..
صالح وهو يهديني:إلا هي وانتي لازم تحذرين منها..ولاتخلين فيصل يطلقك ابد..وأنا راح اكلم مشعل عشان يتركك بلحالك...
سارة بين دموعي(هو بيطلقني لانه..لانه يبي ينتقم مني)وبتردد:صالح...والصور ألي كنت....
قاطعني:متخافين...اصلن حنا كنا نهددك بس..والصور ماعندنا من اصل.
سارة بفرحه:صدق..صدق ياصالح الله يبشرك بالخيرر..
صالح:سارة أنا أحبك حييل ومراح ااذيك ابد...
سارة:.................
صالح:مقدر اقول إلا يابخت فيصل فيك...أنتي وحده شريفة وطاهره..وأنا راح اكلم سارة بنت خالك..وأعطيها خبر انك تكلميني..عشان متأذيك وانتي حاولي تتصالحي مع فيصل بأي وسيله...
سارة(وش بعده ياصالح..وش بعده..أحين فيصل يكرهني ولايبي يشوفني...كل من يشوفني بس يبي يطقني وبس):شكرا..أخ صالح...الله يسعدك..ويوفقك..
صالح طلعت منه من قلب:احبك ياسارة..والله احبك..حبيتك من اول ماسمعت صوتك..
سارة:............
صالح(مدري وش صار لي من تعرفت لها...ضعت..اي ضعت):يلا سارة الوداع...
سارة:بحفظ الله..وسكرت الجوال...وأنا في قمه سعاتي..
سارة:مدري أفرح ولا ابكي..والله مدري... بروح استحم الاول..
سارة(ليه ياسارة يابنت خالي..تسوين كذا..ليه؟؟لهدرجه تكرهيني.. طب ليه..أنا وش سويت لك..حراام عليك ياسارة..والله حررااام)
وخذت لي دش سريع..ولبست ترن اب جينز ازرق على بلوزة بنفسجيه غامق..وصندل بنفسجي من قوتشي وسيحت شعري..
وتعطرت بجموعة عطور..أنتجت روائح جميلة... ولبست ساعة بنفسجية.. وعطرت الغرفة بعطر إلينا..
سارة:ياربي أنا معرف أكل إيطالي.."وانا افكر"امممم..اي اللابتوب..ورحت وخذت من الابتوب اكله إيطاليه..باستا بالجبن البارمزان.. وسلطه إيطاليه فاخرة..مع حلى إيطالي فخم... ورحت أتفقد المكان ان كان نظيف ولا.. عشان مايبلشني...وحطيت شموع على المائده...

كان شكلي خياال مرة...وخصوصا يوم ماحطيت ميك أب بس حطيت غلوس وكحل في نهايه عيوني..ومحطيت مناكير باللون البنفسجي.. ورن جوالي وعلى طول رديت..سارة بأندفاع:الوو...
فيصل:الو..كل شيء جاهز...
سارة:أي كل شيء تمام..بتجي احين ولابتتأخر...
فيصل:انا اصلن يم الباب..
سارة وأنا افتح النافذه:أي شفتك..
فيصل بحده:لايكثر ويلا...
سارة:انا...وسكر السماعة في وجهي...وبسررعة رحت للمرايه اتفقد شكلي..واقتربت من الباب..
فيصل وهو يفتح الباب:بسم الله الرحمن الرحيم.. وش تسوين انتي هنا؟؟؟
سارة ابتسمت:عشان استقبلك...ولا متبي..
فيصل(أنا في حلم ولافي علم سارة حبيبه قلبي تستقبلني ...مصدق):لاماابي..لاتعدينها..سويتي ألي قلت لك..ولابعد..
سارة بدلع عفوي اسر قلب فيصل:أي شوف المكان نظيف صح؟؟ ذا ولا شيء عن ألي طبخته..
فيصل وهو يبلع ريقه:هه...وأن كان زي وجهك ذبحتك...
سارة:خلاص..تم..بس انت غير ثيابك.."ابتسمت ابتسامه خلت فيصل يروح في عالم ثاني"
فيصل تنح:.......................
سارة مسكت يد فيصل:وش فيك فيصل؟؟انت منيح؟؟
فيصل خلااص انسدح<<<<خخخخخخخ
سارة وانا اهز كتفه:فيصل..
فيصل:هه...اي يلا بروح..
سارة وانا اعطيه ظهري بدلع:خلاص اشوفك في غرفه الطعام....
وراح غير لبسه ولبس بنطلون جنز زيتي..مع بلوزه بيضاء..وساعة جلد ابيض...ونزل تحت..ويوم سمعت خطواته عند الدرج..شغلت اغنيه Without youللمغنيه لورا بوسيني<<<<اغنيتها تجنن انصحكم انكم تسمعونها...بتسرحون في كلامتها وصوتها...
فيصل وهو يشوف المكان:وااااو بيوتفل..
خقيت على شكله..واقتربت منه وبأندفاع:عجبك حبيبي...
فيصل مو مستوعب الكلمه:ايش...
استوعبت الكلمه:هه...لا ماقلت شيء"وانا اغير الموضوع"..يلا شرف وذوق الوجبات الايطاليه..."وفتحت الكرسي له" تفضل...
فيصل(لاأنا اكيد احلم...ذي سارة!! فيها شيء اليوم)وبهدوء:زاد فضلك..
سارة ابتسمت:اتــمنـى يعجبك طباخي...
فيصل وهو يأكل(يالله طعمه خيال..كني اكله من مطعم ايطالي..):مقبول لابئس به...
سارة:يعني عجبتك الباستا..تبي الصراح خفت انها متعجبك..
فيصل:وليه ماتعجبني؟؟
سارة:بس كذا..خفت وبس...
فيصل:بطلع انا بعد شوي..
سارة:تيب خلص اكلك وبعدين اطلع..
عجب فيصل الاضواء والتنسيق..في المكان..والاغنيه اعطتت المكان اكثر شاعريه ورومانسيه...
اقتربت منه وحطيت له السلطه...
فيصل(شكلها يجنن...وريحتها...آآه ياريحتها..)وهو يبلع ريقه:خـ...خلاص..
سارة وانا مدري انه يطالع فيني:لا شو ألي خلاص..أنت اليوم شكلك ماكلت منيح.."وطاحت خصلتي على وجهي..نفختها"
فيصل(يارربي بجن..انا بجن منها..مع حركاتها)وبهدوء:انتبهي لايطيح شعر على السلطه..
سارة ابتسمت:لامتخاف"وخذت شعري وحطيته على كتفي الثاني"كذا منيح..
فيصل يتفحصني:مصارت سلطه..
سارة:خلااص خلصت..كل ذه عشان انك متبين اقرب منك...هذا انا بعدت..
فيصل وهو يدقق في كلامت الاغنيه ويعض شفته:تبين ابوسك...
سارة انحرجت من سؤاله:نعم!!
فيصل:كلمات الاغنيه تقول كذا..وانتي بعد ألي حطتيها.."وقام من الكرسي واقترب مني"
سارة بتوتر:شبعت..
فيصل بخبث:لامن قال اني بديت اصلن...
سارة فهمت وش يقصد وقفت من الكرسي..ومريت جنبه..بس هو مسك يدي..
التفت له:لوسمحت اترك إيدي...وانا اوخر يده عني بس هو يشد اكثر..وبحركه سريعه جرني قدام وجهه..وانفاس على وجهي..توتر من حركته.
سارة وانا احاول ابعد عنه:فيصل...فيصل وخر عني..."ومرر يده على ظهري وقربني منه اكثر" فيصل وهو يطالع في عيني:سارة..أنتي تحبيني؟؟

من طرف **نواف** الأربعاء يونيو 18, 2014 10:08 am

غصبن عني حبيتها * 16*

غصبن عني حبيتها * 16*

رد: غصبن عني حبيتها * 16*