غصبن عني حبيتها * 19*

البارت التاسع عشر
اقترب مني ونظراته كلا غضب...كره...حقد...
فيصل وهو يشد على يدي:وين كنتي؟؟
ساره بتوتر وخوف:انت وش....
فيصل بصراخ:وين كنتي ياكلبه؟؟؟
ساره بألم:ااي وخرر عني وانت عن وش تتكلم؟؟
فيصل وهو يوخر يده عني:يلا تكلمي..وين طلعتي ومع مين؟؟؟
ساره(وش قاعد يقول ذه انا مطلعت..):فيصل انا مطلعت انت وش قصدك؟؟
فيصل يحاول يمسك اعصابه:انت ماتكلمتي احين والله بعمل فيك جريمه..
ساره بخوف:والله انا مطلعت..
فيصل عطاني كف مع وجهي وشدني من شعري:انت كذابه..كذاابه..
ساره بين دموعي:فيصل والله مكذبت عليك..
وهو يشد علي اكثر قدرت اني افلت منه وركض بسرعه في الدرج لاني خفت يكون لحقني...
فيصل بصراخ:أنا اوريك ياساره...وهو يصعد الدرج بسرعه..
وانا اجري بسرعه ودخلت الغرفه وقفلتها في وجهه..
فيصل وهو يكسر الباب:افتحي الباب لوالله بتشوفين شيء ماشفتيه...افتحي..
ساره(يمه..وش اسوي احين..اخاف يقتلني..)وبرود:ماهميتني انت وتصرفاتك..وألي تبي تسويه سوا..
فيصل بعصبيه:افتحي لعمل فيك جريمه..افتحي..
ساره بهمس:افتح له الباب وامري لله..
وفتحت الباب وابتعتد عنه..
وعطاني كف مع وجهي اقوى واشد من ألي عطاني أياه قبل..وطحت على الارض..
فيصل:اشوفك اغتريتي زود..بس على وش..أنا اوريك"وهو يرفسني من بطني بقوه.."
ساره بألم شديد وصراخ:اااااه..وخرر..اااه.. وصار يضربني ويرفسني ع بطني بقووة بدون رحمه..
فيصل بعد مخلص من الطق والضراب وانقطع نفسه:أنا اوريك..ياساره..انا ارويك.. وطلع...
وقدرت اجمع طاقتي واقوم..بشويش..ووصلت لدرج بصعوبه..وبألم شديد...شفت فيصل عند الصاله يأخذ جواله...
ساره بألم وانا اتكي على الدرج وبتعب:فيصل..
فيصل التفت وبكرهه:انتي...
ساره بألم وضعف:أي أنا...ابيك تطلقني قبل..ماتطلع...
فيصل:هههههه...في احلامك اطلقك..قال شو قال اطلقها...
مدري وش صار فيني حسيت الدنيا تدور فيني دور..حاولت اتماسك بس مقدرت..وغمى علي يم الدرج..
فيصل بصراخ:سااااااره...........
وفي المستشفى...
فهد:استهدي الله يافيصل..
فيصل بضياع وبهم:لاإله إلا الله محمد رسول الله...
غادة وهي تهدي ام حمد:هدي يايمه..
ام حمد:بنتي..وش صار فيها؟؟
جاء الدكتور والكل جاوا يمه..
فيصل بخوف:طمن يادكتور...
غادة:وش فيها اختي..
الدكتور:تطمنوا ياجماعه..
حنان بصوت باكي:يعني شنوا...
ام حمد بين دموعها:ابي اشوفها يالدكتور..
الدكتور:فيكم تدخلوا عليها ولكن الهدوء..ولاتتكلموا معها واجد...
وامي وحنان ورغد راحوا عندي..
ام حمد وهي تفتح الباب:ساره..
التفت لها:يمه..هلاا ادخلي..
حنان:لاتتكلمي..بتتعبين بعدين..
رغد:هلا ساره....
ساره ابتسمت:هلا بيكم..والله وحشتوني بقووه..وين ابوي؟؟
ام حمد ببكاء:احين بيدخل فديتك..

الدكتور:انت زوجها صح؟؟
فيصل بهم:أي..صار فيها شيء يادكتور..
الكتور بجديه:رضوض وجروح سطحيه ولله الحمد..
فيصل:أي..
الكتور:احمد ربك ان مصار لها كسور في الحوض..و..
فيصل بضياع:كسور في الحوض!!
الدكتور:أي بس الحمدلله مكانت طيحتها قويه..يعني بس رضوض وجروح..انتا بتعرف طيحه الدرج..
فيصل:.................

ساره:اخبارك حنان ورغد؟؟
حنان ورغد هزوا راسهم بنعم..وهم يبكون.. ودخل ابوي وحمد وعبدالله..
وانا ارفع نفسي..
ابو حمد:لاتتحركين..
ساره وانا ابوس يده:اشتقت لك يالغالي..
ابو حمد وهو يبكي:زين..
ام حمد:وش فيها يادكتور..
الدكتور ابتسم:متخافوا عليها..إن شاء الله كم شهر وتبا كويسه..انا بعطيك مراهم وادويه عشان الرضوض ألي في جسمك..
ام حمد:ان شاء الله تبا كويسه..ليه العجله في الدرج يابنتي..
ساره:...............
طبعا فيصل قال لهم اني طحت من الدرج..مقال لهم انه ضربني.. لين ماتكسررت
وبعد كم دقيقه دخل فيصل..
وطاحت عيني عينه وانا اصارخ:اطلع برراا..براا..
والكل مستغرب..
ام حمد:ساره هذه فيصل..
ساره وانا ابكي:اطلع براا."وانا امسك يد ابوي"تكفى قول له يطلع برا ماابي اشوفه...
ابو حمد:هذا فيصل يابنتي..
ساره بخوف:يبا تكفى خله يطلع براا...
فيصل بحده:نعم وش قلتي...
ساره بصراخ:اطلع برا ماابي اشوفك...
ابو حمد:معليه يافيصل اطلع احين...
حمد:اطلع يافيصل..
وحمد وابوحمد طلعوه من الغرفه..
فيصل بعصبيه:أنت سامع وش تقول بنتك..

ابو حمد:معليه هد ياولدي..يمكن هي قالت هل الكلام عشان اعصابها تعبانه..اذكر الله يافيصل..
فيصل:لا إله إلاالله محمد رسول الله...

************* ********
غاده:ساره ليه انتي ماتبين تشوفين فيصل...
ساره(مقدر اقول لك ياغاده..مقدر..):......................
غاده:انتي تدرين ان هو مو ألي رماك في الدرج..انتي ألي طحتي بلحالك..
ساره(قصدك لعب فيني لعاب من الضرب):...............
غاده تتنهد:الله يصلحك بس..طيب قولي لي ليه ماتبين تشوفينه...
ساره:غاده...
غاده:عيونها..
ساره:قولي لفيصل يطلقني..
غاده بصدمه:يطلقك..
ساره بثقه:أي..
غاده:انتي متاكده من إلي طالبته...
ساره بثقه واضحه:عمري مصرت متاكده زي اليوم..تكفين طلبي منه يطلقني...

************* *******
ابوحمد:متاكد انك تبي تجلس هنا..
فيصل:أي..
ابو حمد:يلا يابنات..يلا ام حمد..
ام حمد:ابي اجلس مع بنتي..
ابو حمد:متخافين فيصل معها..يلاا مشيناا..
غاده وهي تجلس يم اخوها:فيصل..
فيصل التفت:هاه..طمني وش قالت..اشوفها ولا..
غاده تنهدت:ساره تبيك تطلقها..
فيصل وهو واقف وبعصبيه:نعم وش تبي!!!
فهد:هد يافيصل..لاتفضحنا..
غاده:العصبيه مراح تفيد احين..انا رسوله بس...
فيصل:اجل كملي رسالتك وقولي لها طلاق ماني مطلق...
غاده تتنهد:ان شاء الله بس انت هد..وتعوذ من الشيطان..
فهد يجلس فيصل:اجلس..هي قالتها بغصب...
غاده:إن شاء الله..تغير رايها..
فيصل:مو على كيفها..قال اطلقها قال..محزرت..
وعند الساعه9:00 صباحا.. صحيت واحس ان جسمي متكسرر
الدكتور:صح النوم ياجميل..أخبارك إيه النهار ده..
ساره:كويسه..
الدكتور بالانجليزي:ارجوكي ساعديها في وضع المراهم..
الممرضه:حسنا..
الدكتور ابتسم:لازم تكوني متعاونه معها ياساره..اوكي..
ساره بخوف:يعور يادكتور...
الدكتور:انتي لازم تتحملي شوي..لان سقوطك من على الدرج سبت ليكي رضوض في الظهر والفخذ هذا غير اليد والوجه..
ساره:يبرجع وجهي وجسمي زي قبل؟؟
الدكتور ابتسم:ايوا..إذا اخذتي الدواء والمراهم بأنتظام...
ساره:شكرا يادكتور والله طمنتني..متى اطلع من المستشفى..
الدكتور:ليه ياساره مليتي منا ولا إيه...
ساره ابتسمت:لا يادكتور بس..أنت عارف..
الدكتور:ههههه..ايوا عارف..إن شاء الله بعد اسبوعين بالكثير.. ساره شهق:وااجد يادكتور..
الدكتور:ايوا عارف..انتي لازم تبأي في المستشفى عشان نطهر لك جرحك..ولاتنسي الجبس إلى على إيدك..يعني راح تطول معليه ياساره استحملي..
وعدت علي الاسبوعين.. من دون مشوف فيصل..
رغد:مصدق انك راح تطلعين..
ساره ابتسمت:اجل وش اقول انا..
ودخل ابوحمد وحمد وفيصل..
ام حمد:الحمدالله على سلامتك ياساره..
ساره ابتسمت:الله يسلمك يمه..
فيصل:الحمدلله على سلامتك..
ساره من دون مطالع فيه:الله يسلمك..
فيصل:يلا ساره..
ساره بحده:انا بروح بيت ابوي يافيصل..
فيصل بعصبيه:نعم!!وش قلتي؟؟
ابوحمد:معليه يافيصل خلها عندنا كم يوم..
ساره:لامو كم يوم يمكن اطول..
فيصل بعصبيه:سامع وش تقول..سامع...
ابوحمد:هد يافيصل..خلها عندنا لما تغير رايها..
حمد:أي يافيصل..
فيصل:مو تطول..
ابو حمد تنهد:إن شاء الله ماهي مطوله..
وطلعت من المستشفى ورحت بيت ابوي..
حنان:يمه انتي قلتي لخالتي منيرة ان ساره....
قاطعتها ام حمد:لاطبعا..واياني وياكم حد يقول لاي حد فاهمين.. رغد:ليه يمه وش فيها...
ام حمد:لاتقولون لها وبس حتى اختكم ريم مقلت لها..
حنان ورغد:ان شاء الله يمه..
ام حمد:ولاتقولون حتى لربعكم ولا لاي حد سامعين..
حنان ورغد:سامعين..
ومضى اسبوعين من جلوسي على بيت ابوي وفيصل يدق علي بس انا مرد عليه..
ورن جوالي..رقم غريب بس مرديت عليه وجاتني رساله"هلا ساره انا صالح..اخبارك؟؟ ان شاء الله زينه"
رديت عليه برساله"هلا اخ صالح..ارجوك لاتدق علي..يكفي المصايب ألي جاتني ارجوك انسى رقمي.."
ورسل لي رساله"اوعدك اني مدق عليك بس جاوبيني بل الاول ليه متردين على اتصالاتي..من كم شهر وانا ارسل لك وانتي متجاوبين علي"
ورديت عليه"لان جوالي مكان عندي..يلا مع السلامه" وطق احد الباب.....
ساره:تفضل..
رغد:ساره جات غاده وتبيك ضروري..
ساره استغربت:غاده هنا..
رغد:قالت لي انها تبك ضروري قبل متروح..
سارة:؟؟؟؟؟؟؟
ونزلت تحت وسلمت عليها..
ساره:هلا غاده..
غاده:هلا ساره اخبارك احين؟؟ان شاء الله تمام..
ساره ابتسمت:زينه الله يطول بعمرك..اخبار امي؟؟
غادة:زينه تسلم عليك..وتقول انها مشتاقه لك..
ساره:تشتاق لها العافيه..
غاده بجديه:انا محب ألف وادور في الموضوع... انا جايتك عشان فيصل.
قاطعتها:ارجوك..لاتكملين..
غاده:لهدرجه متحبين طاريه ابي اعرف وش سوا لك هو...
ساره:سأليه ويجاوبك؟؟
غاده:ادري ياساره انه يطقك ويقسي عليك...لانه يحبك..
ساره استغربت:يحبني..اي كثري منها..هو ميحب إلا نفسه..
غاده:اسمعي ياساره..والله لو اني محبك كان مقلت لك ارجعي له...هو خبر امي انه مطلق حصة...تبين الصراحه ياساره ترى هو مايدري عن حصه..<<والله داري بس بالع موس وساكت..
ساره:مو فاهمه وش تبين تقولين؟؟؟
غاده:ترى حصه منافقه مرره..وامي قالت لي امس ان حصه لها قصه مع شباب وسالفه انها جابت واحد في البيت..فهي حقيقيه جابت..بس مو واحد اكثر من واحد كانت تستغل الفرصه لطلع فيصل من البيت وتجيبهم وامي اكتشفتها وقالت لفيصل بس هي كذبت امي وقالت انها خرفت...
ساره مستغربه:من صدقك..
غاده:أي من صدقي وان كانك تحبين امي ولو شوي رجعي على شانها.. مو على شان فيصل..
ساره:وش دخل امه في الموضوع...
غاده تنهدت:امي تعبانه ياساره وتبي تشوفك..وحلفت انك إذا مرجعتي لفيصل مراح تأكل..
ساره:.....................
غاده:ارجوك ياساره غيري رياك..عشان امي..
ساره تنهدت:خلااص..
غاده بفرح:يعني وافقتي...
ساره:لا..بفكر..
غاده:ان شاء الله توافقين..امي تحبك حيل ياساره..
ساره:وانا بعد احبها..
غاده وهي واقفه:يلا مع السلامه..اشوفك بيت زوجك..
ساره:هههه يلا مع السلامه...
وانا افكر بكلام غاده..مكذب عليكم اشتقت لفيصل مرره..ودي اشوفه ولو من بعيد..
وقررت ادق على فيصل..
بيت فيصل وساره..
فيصل(البيت مايسوا من دونك..صدق محمد عبده الامكان كلها مشتاقه لك..وانا بعد مشتاق..)ورن جواله..
فيصل ابتسم:اخيرا تنزل الحلو ودق..
فيصل وهو ماسك الجوال:هلاا ساره
ساره(مشتاقه وبس):هلا فيصل..
فيصل:اخير دقيتي على وتكرمتي..
ساره:انت قلت طلاق منت مطلق صح..
فيصل:ايوا اخير فهمتي..
ساره:انتي تبي تردني صح..
فيصل بحبور:أي..
ساره:وانا موافقه..بس بشرط..
فيصل بحده:نعم وش قلتي..
ساره:لاتعصب..اسمع شروطي بل الاول ولا مراح ارجع لك... فيصل بحده:وش هي يامدام؟؟
ساره:اولا لاترفع يدك علي..وثانيا الخدم يكونوا موجودين في البيت لاني ماابي اشتغل في بيتك..وثالثا وهو الاهم انام انا بغرفه وانت بغرفه..اظن البيت كبيرر مره..
فيصل بعصبيه:نعم وش قلتي يامدام؟؟
ساره:إلي سمعته..اي صح ذكرتني صوتك لايعلى لما اكلمك واياني وياك انك تهيني..سامع..
فيصل يصر باسنانه:وانا موافق
ساره:حلوو..متى بتاخذني من بيت اهلي..بكره ولا..
قاطعني:اليوم باخذك...
ساره بهدوء وبلهجه سوريه:شوو استاز فيصل..وشرطي التاني معتقد الخدم...
قاطعني:الخدم موجودين من فتره..تجهزي بجيك...
ساره:سلاام..
فيصل(مو مصدق اني بشوفها..اخيراا..يلا اقوم اخذها احين قبل متغير رايها..)
بيت ابو حمد..
حمد وهو يطق الباب:ادخل ساره..
ساره:تفضل حمد..
حمد:زوجك هنا يبي ياخذك...
ساره(هههههه بهالسرعه جيت يافيصل):اوكي..بنزل بعد دقيقتين..
حمد:اوكي..
وعطرت ولبست عباتي... وشلت اغراضي وشفت فيصل من برقعي..
ساره(فديته صاير حلووو مره)وانا امشي قدامه:شيل اغراضي"وبدلع"ظهري يعورني..
فيصل بهمس:انا اوريك تحسبيني خادم عندك..
سارة ألتفت له:كني سمعت شيء..إذ مو عاجبتك شروطي فمن احين قول لي عشان........
قاطعني يصر باسنانه:اركبي..ترى حنا في الشارع..اركبي يلا...
وركبت في السياره وبعد كم دقايق وصلنا..
سارة وانا انزل من السياره وبدلع:شيل اغراضي..اصلي متعقده من الخدم..انتي تدري ذيك المره مجابوها لي إلا بالموت..ورجاءا حطه بغرفتي الجديده...اي صح ابي غرفتي ألي كنت انام فيها..
مخليته يجاوب ونزلت على طول..ودخلت البيت ورقيت الدرج...
فيصل وهو يشيل شنطتي:شايفتني خادم عندك..
ساره بدلع:وش فيها..انا كنت اخدمك وش فيها لجيت تخدمني.. وكملت مشيتي ورحت غرفتي..وفيصل وراي..
فيصل وهو يرمي الشنطه وبعصبيه:اشوفك اغتريتي...
وفسخت عباتي وفيصل تنح على شكلي...كنت صابغه شعري اسود مزروقي لامع..وقصيته على طوله وغيرت رسمه حواجبي.. وكنت لابسه فستان تركواز مدموج بالاسود كاشف من الصدر ماسك على جسمي وطويل مفتوح من الفخذ كله..بطريقه مثيره..وفيه زخرفه ناعمه من الخصر باللون الاسود... وصندل اسود من ديور..
واقتربت منه وبدلع:من حقي اغتر..ماانا زوجتك..
فيصل وهو يبلع ريقه:هه...
ساره وانا اشوف نفسي بالمرايه:عجبتك.."وانا امرر اصابعي على شعري الحرير"..
فيصل وهو يحوطني على خصري:مرره..شكلك خياال مرره...
ارتجفت من حركته..ساره وانا احط يدي على كتفه وبهمس ودلع اسر قلب فيصل:متوقعت اني راح اعجبك بالانيو لوك بتاعي..خصوصا انك رافض اني اقص شعري..
فيصل(والله لو مكان حلو عليك كان شفتي شيء ثاني)وهو يعض على شفته:اهم شيء ان شكلك عاجبني مووت...
ابتسمت وبان الفص ألي في اسناني..فيصل راح فيها من ابتسامتي.. وباسني على خدي بنعومه..
ارتعش من حركته بس مابينت:فيصل..فيصل..
وفيصل مرد علي وهو يبوسني في رقبتي..
ساره وانا ابعده عني:ممداك تنسى شروطي..وبعدين انا ابي انام
فيصل:والمطلوب...
ورحت جلست عند الكنب وتعمدت احط رجل على رجل وانكشف فخذي كله...
ساره(والله ان اجننك يافيصل)وانا اسند ظهري على الكنب واحط يدي على الكنب:يلا مع السلامه..ابي انام..
وفيصل اقترب مني وبنظرات حاده:بس انا مافيني النوم..
ساره وانا واقفه قباله:والله ذه مو شغلي.."ومشيت يمه وتعمدت اني ألامس كتفه بكتفي"وفيصل داخ من ريحه عطري..
ساره وانا واقفه يم الباب:تصبح على خير"وفتحت الباب له"تفضل..
فيصل وهو يقترب مني:طرده يعني..
ساره ابتسمت وبان الفص ألي في اسناني:سمها ألي تسميها..سلاام.. وطلع بالموت من الغرفة وقلبي يرقع..خفت اني استسلم له.. ساره احط يدي على قلبي:زين انك قدرتي تقوين حالك..ياربي احس اني بمووت من قربه لي..
بيت ابو عبدالله..
ساره في التلفون:هذا ألي صار..عشان كذا حبيت اشكرك..
صالح مستغرب:في المستشفى!!!واخبارها احين..
ساره:هههههه ياجعلها الموووت ان شاء الله..سالت امي قالت لي ان اخبارها متسر..
صالح بخوف:وش صار فيها بعد الطيحه؟؟
ساره:تصدق ام فيصل تقول لامي انها طاحت في الدرج لحالها بس انا اقول ان فيصل هو ألي رماها..اكييد في احد يبي يتزوج من وحده لها سوابق..
صالح(والله انتي ألي لك سوابق مو هي ياكلبه..انا اوريك ياحقيره..ولا ساره قريبتك ماتستاهل ألي صار لها)..
ساره:يقولون...يقولون انها تشوهت من الطيحه..شكله فيصل لعب فيها عدل..ههههه..
صالح بخوف واضح:تشوهت!!!
ساره:وش فيك متاثر بكلامي كذا..اي تشوهت..وهي في المستشفى احين وحالتها صعبه...
صالح(لا انا مراح اسكت اكثر من كذا..):طيب ساره..اكلمك بعدين..سلام.
ساره بفرح:سلام يااحلى صالح...
بيت ساره وفيصل...
صحيت الصبح الساعه 8:30 على دقه الباب..
ساره:ميين؟؟
فيصل:افتحي الباب..
ساره ميزت الصوت:نعم..وش تبي؟؟
فيصل بحده:افتحي الباب ياساره..
ساره بهمس:وش يبي ذه من صباح الله.. فتحت قفل الباب وعطيته ظهري..
فيصل يفتح الباب:ساعه على متفتحين..
ساره عطيته ظهري:خذ حاجتك واطلع...
فيصل تنح على شكلي..كنت لابسه بلوزه فيصل البيضاء وفخذي كلا مكشوف ومسكرت زراير البلوزه كلها..صدري كان مكشوف...
فيصل ابتسم:على معتقد ان ذي غرفتي..
ساره التفت له:نعم... ومقدرت اكمل كلامي..يوم شفته كان لاف الفوطه على خصره..وصدره عاري ومبلل بالمويه..
ساره احمر وجهي وصديته:انت....انت ماتستحي جاي لي كذا..استر..
فيصل ابتسم بابتسامه عريضه:شوفي لبسك انتي الاول..وبعدين تكلمي عن الستر...
ساره(ياربي نسيت مشلحت بلوزته احين وش اقول له..)شهقت وانا احط يدي على فخذي وصدري:انا..انا...
فيصل يتفحضني بنظره ويقرب مني:لابعد لابسه بلوزتي..احين قلت الملابس....
قاطعته ووجهي احمر:من زينها احين..انا لبستها لان دولابي مقفل..و....و....
فيصل بضحكه وترتني:هههههه...تصدقين انها لايقه عليك"وهو ياخذ عطر ويعطر"وليه متقولين انك اشتقتي لي..عشان كذا لبستي ملابسي..
ساره(أي والله اشتقت لك مووت..لبست بلوزتك لاني شميت فيها ريحتك واتخيلك جنبي)بضحكه مزيفه:ههههه لاتضحكني... قال شو قال اشتقت له قال...
فيصل وهو يفسخ الفوطه:أي اشتقي لي..
وجهي شب حمار من حركته وعلى طول صديت..
ساره بخجل:صدق ألي ختشوا ماتوا..انت ماتستحي...
فيصل وهو يلبس ثوبه:لاتسوين نفسك..أنا شفتك وانتي شفتيني..وبعدين انتي إلى الان تستحين...
ساره:لا انا مستحي..
فيصل بعناد:إلا تستحين..
ساره وقفت:لا انا مستحي..
فيصل وهو يلبس شماغه:ههههه أي معليه..
واقتربت منه ونزلت يده وسكرت زراير ثوبه..سويت كذا عشان ابين له اني مستحي...
وفيصل مو مصدق هو في حلم ولافي علم..
فيصل(يابختي)ابتسم:مافيه بوسه..
ساره استحيت من طلبه:لا مافيه..ويلا روح لشغلك..حتى لو كنت المدير هذا ميعني انك تتاخر..
فيصل بنظرات حاده:يعني مافيه بوسه...
ساره وانا امشي قدامه:لا مافيه..
فيصل:اجل تحملي إلي يجيك..
ساره:ماهميتني وش بتسوي..
ومسكني من يدي وسحبني لحضنه..ويضغط علي..
ساره(اشتقت لحضنك...يابعد كلي)وانا ابعده عني بس مقدرت:فيصل..وخرر..فيصل...
فيصل وهو يشد علي:لا...أنا قلت لك تحملي إلي يجيك..
ساره وجهي احمررر مررره:خلاص بعد عني..مصارت حضنه.. ويشد علي احس ان جسمي دخل بجسمه..
فيصل بعناد:لاماني موخر..فيه بوسه ولا..
ساره:فيصل بختنق..
فيصل بعناد:فيه بوسه ولا..
ساره باندفاع:أي فيه..بس وخر..
فيصل:اكييد...
ساره:أي...بس وخرر..
ووخر عني بالموووت..
ساره(لاتضعفين ولا تعطينه إلي يبي..انتبهي ياساره):لازم احين..
فيصل بعناد واصرار:أي لازم احين..
ساره:خذها من حصه اكيد حقتها احلى..
فيصل:.................
كملت:انا معندي بوسه لك..ويلا مع السلامه..
فيصل: تغارين علي...
ساره(والله اموووت من الغيره):انا اغار!!وعليك انت..من قال لك؟؟ فيصل:والله ألي يحب يغار..
ساره:من قال اني احبك..
فيصل بجديه وبصدمه:يعني انتي متحبيني؟؟
ساره:......................
فيصل بحده وهو يمسك يدي:تحبيني ولا؟؟
ورن جواله..فيصل:يووه وذه وقته.."وهو يرد"هلا محمد..
محمد:هلا فيصل...يلا الاجتماع بيبدا بعد 10دقايق..يلا..
فيصل:يلا جايك احين..سلام..
استغليت الفرصه وهو يتكلم رحت الحمام بسررعه..
فيصل يعلي على صوته:انا اوريك...الوعد مو احين..الوعد لما ارجع.. وطلع..
وخذت لي شور دافئ مليء بالفقاعات وزيت الجزامه... ولبست فستان صيفي ابيض على اسود قصير لين الفخذ وصندل ابيض رفيع ربط لساق ونظاره وسيحت شعري ورفعت جزء منه لفوق والباقي تحت...

ومكياج خفيف وناعم..شكلي صاير روعه... ونزلت تحت ورحت للحديقة وجلست بالكرسي ألي يم المسبح..وجات الخدامه بالانجليزي:نعم سيدتي..
ساره:احضري فطاري إلى هنا..
الخادمه:حسنا..
ساره:هل ذهب السيد فيصل..
الخادمه:نعم..من 10دقائق..
ساره:حسنا...شكرا..
الخادمه:هل تردين فطور للحميه اما فطور عادي..
ساره ابتسمت:ماهو رائيك..
خادمه وهي تطالع فيني:فطور حميه..
ساره:ههههه..لا عادي انا لااعمل حميه..
الخادمه:حقا..
ساره:حقا..
الخادمه:حسنا... وراحت..
ودقيت على ام فيصل..ساره:هلاا امي..
ام فيصل ابتسمت:هلاا ببنتي ساره..اخبارك؟؟
ساره:زينه فديتك..انتي احوالك؟؟
ام فيصل:احوالي ماهي زينه يابنتي...
ساره:ليه يمه؟؟وش فيك؟؟
ام فيصل تتنهد:وين تكون احوالي زينه وفيصل مطلق الحربايه حصه..
ساره:ههههه حلوه حربايه...
ام فيصل:ياجعلها دووم هالضحكه..
ساره:دام غلاك يمه..ابيك تهتمين بنفسك يمه..
ام فيصل تتنهد:ان شاء الله يابنتي...
ساره:يمه لاتضغطين على فيصل..
ام فيصل مو فاهمه:في وش مااضغط عليه!!
ساره تنهدت:يمه إذا كان فيصل يحب حصه لاتجبرينه يطلقها...
قاطعتني:من قال ان فيصل يحبها..
ساره:مو هو ماخذها عن حب!!!
ام فيصل:لا من قال لك؟؟
ساره:غاده ألي قالت لي..
ام فيصل:لاا غلطانه..فيصل ميحبها هي ألي تحبه وتمووت فيه..وياجعلها المووت ان شاء الله...انا اخترتها له لان ع بالي انه بنت زينه بس طلعت حيه..قبل ماتتزوج فيصل كانت تدلع مالت عليها مع دلعها..وانا غرني المظهر..قلت بنت دلع وحلوه ورزه لكن بعد الزواج مالت عليها طلعت حقيقتها بشعه ومغروره وشايفه نفسها مدري على وش..وصوتها ألي كنه بقره مصخونه..
ساره:ههههههه..
ام فيصل:والله مكذبت عليك..وش رايك الجمعه ذي تجين انتي مع فيصل وتشوفينها...هي دايم تجي الجمعه مع فيصل..
ساره:اهاا..
ام فيصل:قولي له انك تبين تروحين..
ساره:ان شاء الله..
ام فيصل:سلمي على امك..
ساره:يوصل..
ام فيصل:يلا مع السلامه...
وبعد كم دقيقه جات الخادمه.. ساره ابتسمت:شكرا جزيلا لك..
الخادمه ابتسمت:العفو..
ساره:اجلسي هنا..
الخادمه استغربت:انا اجلس!!!
ساره ابتسمت:نعم انتي..اجلسي..
وجلست الخادمه..
ساره:فطرتي ولا..
الخادمه:نحن نفطر الساعه 9 والنصف..
ساره:والان الساعه التاسعه تقاضي عن النصف.. هيا افطري معي..انا لااحب افطر لوحدي..
الخادمه استحت:لا سيدتي...
قاطعتها:اجلسي هيا...
وجلست واكلت معي..
الخادمه:انتي متواضعه..عكس السيده حصه...
ساره نزلت النظاره عن عيني:هي انتي تعرفينها..
الخادمه:بطبع..قبل ان يطلقها السيد فيصل كانت تسكن هنا..
ساره استغربت:ياإلهي...
الخادمه:ألم يخبرك السيد فيصل من قبل..
ساره(هو ميقول شيء عنها..اصلا):لا لم يخبرني..
الخادمه:السيد فيصل لايحبها..لكن هي تحبه..
ساره:وانتي ماأدراكي انه لايحبها..
الخادمه:لاتخبري احد...هي كانت تدعوه للفراش لكنه يتحجج بالعمل..
ساره بقيت عيوني:ماذا؟؟ وكيف علمتي بذلك..
الخادمه:كنت انظف الدرج وسمعت صوتها..صوتها عالي جدا.. ساره ضحكت يوم تذكرت كلا ام فيصل:ههههه..نعم وماذا حدث؟؟
الخادمه وهي تشرب العصير:عده مرات طلبته لسرير ولكنه يتحجج بالشغل او ان صديقه يريده..او يخرج..هو ليس ملما ايضا لانها علم مواخرا بأنها تريد سلب جميع امواله
ساره:اها..
الخادمه:لاعجب بأنها احضرت رجال لهذا المنزل..
ساره مو مستوعبه وش تقول:رجال!!
الخادمه:لاتقولي بانك لاتعلمين..اوه سيدتي انتي لاتعلمين شيئا... لقد احضرت رجال إلي هنا..وعملت حفله كبيره..ودخلت مع واحد من الرجال إلى الغرفه..
ساره:استغفر الله..وماذا حدث..
الخادمه:وفي يوم من الايام اتت والده فيصل إلى المنزل وشاهدتها تتبادل القبل مع رجل في الحديقه..انها عديمه الحيا حقا.. السيد فيصل لايستحق هذا...
ساره:........................
وكملت:وعده مرات حاولت ان تجعل السيد فيصل يقع في حبها ولكنها فشلت..
ساره:اتعلمين لماذا هي تزوجت السيد فيصل..
الخادمه باندفاع:نعم..لقد سمعتها رشا..رشا سوريه الجنسيه..حسنا..لقد كانت تتحدث مع شقيقها وقالت بانها لم تنجح في خطتها..
ساره:أي خطه تتحدثين عنها..
الخادمه:خطه استلاء قلب السيد فيصل...
ساره:حسنا..اكملي..
الخادمه:وقال لها يجب ان تحاول مره اخره..لكي يسجل املكه باسمك..
ساره بصدمه:ياإلهي..وهل نجحت في ذلك..
الخادمه:لا لم تنجح لان والده السيد فيصل شاهدتها وهي في وضعيه غير محترمه مع رجل آخر..
ساره:الحمدلله..انها لم تنجح..
الخادمه وهي تغمز:هو يحبك كثيرا..
ساره:من تقصدين..
الخادمه:السيد فيصل..
ساره:هو قال لك ذلك..
الخادمه:لما ذهبتي إلى المستشفى لم يأكل..وكان يشرذ كثيرا ويبكي..
سارةاستغربت:يبكي..لماذا..
الخادمه:لقد فهمت من رشا انه مشتاق لك..ولا يستطيع العيش من دونك..انا متاكده انه يحبك فانتي تثرين أي رجل بجمالك وتواضعك..
ساره ابتسمت:فيصل قال انه مشتاق لي...
الخادمه:نعم..
ساره:ورشا كيف علمت بذلك..
الخادمه:رشا عندما تشاهد السيد بحاله سيئه تسأله مابه...رشا تعامل فيصل كما لو كان ابنها..وهو يحترمها كثيرا ويقدرها..
ساره:اها..
الخادمه:انا متاكده انه مجنون بكي..
ساره استحيت:مـ...ماذا؟؟
الخادمه:انتي امراءه جميله وصغيره في السن..تردين الحقيقه انتي اجمل من السيده حصه بكثير..هي مغروره ومنافقه وانتي متواضعه جدا.. كما انها كبيره في السن..
ساره:كبيره..اتعلمين كم عمرها الحقيقي..

الخادمه:30 عاما..
ساره(يعني مو 29):30 عاما...وماادراكي انتي..
الخادمه:كنت انظف غرفتها وشاهدت بطاقتها الشخصيه..
ساره(والله مايخفى عليكم شيء انتوا):ههههههه..
الخادمه:لماذا تضحكين؟؟
ساره ابتسمت:لانكم تعلمن بكل شيء..وتحشرن انفسكم...
الخادمه:هههههه...نحن هكذا ماذا نفعل..
ساره:لاتفعلوا شيء..كلي فقط..
بيت بندر وريم..
ريم:يلا بندر..راح تتأخر..
بندر:انزين..يلا سلاام..
ريم وهي تمسك يده:على وين؟؟
بندر:على الدوام..
ريم:منت رايح إلا لما تفطر..
بندر وهو يأخذ السندويش من يدها:يلاا سلاام..
ريم ابتسمت:سلاام...
وراح سكر الباب..وبعد 4ثواني دق الباب..
ريم استغربت وفتحت الباب:نسيت شيء..
بندر ابتسم:أي..وباسها على خدها..سلاام..
ريم انحرجت:سلاام..وطلع
ومسكت جوالها ورسلت له"احبك..احـــبـــــ م وووووت ــك".. ورسل لها"احبك اكثرر يابعد كلي انتي.."..
ريم وهي تحضن الجوال:احبه..احبه وامووت فيه.. ورن الجوال..وريم ردت من دون ماتعرف من تحسب بندر..ريم باندفاع:هلا قلبي..
ساره:هلااا عمري..
ريم ميزت الصوت وبخيبه امل:انتي..
ساره:ههههه..اجل تحسبيني من..
ريم:هلااا اخبارك ساره؟؟
ساره:زينه انتي اخبارك؟؟
ريم:الحمدلله..هاه بشري تراضيتوا ولا..
ساره:أي تراضينا..
ريم:اما انتوا غريبين..ترجعون من السفر إلي من سته مدري خمس شهور..وتردون الرياض متزاعلين..
ساره(والله متدرين وش صار):ههههههه..
ريم:وش سبب الزعل..
ساره:تدرين يااختي الغيره...
ريم:ههههه..اكيد امريكا فيه علوم هناك...
ساره:ههههه..مو امريكا رحنا..فرنسا..
ريم:بعد..
ساره:عقبالك..
ريم:ان شاء الله اروح..
ساره:ان شاء الله تروحين استراليا بعد..
ريم:ان شاء الله..وبعدين انتي ماتنلامين زوجك مررره حلوو..
ساره:شف تتغزل بزوجي قدامي..
ريم:بيني وبينك هو احلى من بندر بكثيرر..
ساره:نعم..ست ريم..
ريم:ههههه..اشتغلت الغيره..على العموم انتي معزومه عندي..يوم الاحد..
ساره:الاحد معندي شيء..
ريم:حلوو..
ساره:بلحالي ولا معاي حد..
ريم:انتي ونوف ووداد..المتزوجين الجدد بس...
ساره:هههه..حلوه ذي..
ريم:خلاص بتجين..
ساره:بسأل فيصل اول..يمكن ميوافق..
ريم:إذ موافق اقنعيه بكل الوسائل الممكنه..
ساره انحرجت:ريم...
ريم(خلني ازهقها):وش تسوين انتي احين..
ساره:اتشمس..
ريم استغربت:تتشمسين..وينك انتي؟؟
ساره:انا في بيتي..عندنا مسبح في الحديقه..
ريم بمكر:وين فيصل اجل..
ساره:في الشغل احين..
ريم:والله لو يدري فيصل انك تتشمسين كان مراح الشغل احين اليوم..
ساره انحرجت:ريم وبعدين معك..
ريم:شكلكم ماتطلعون من غرفه النوم..ههههه..
وجهي شب من الحيا:ريم وجع..
ريم:هههههه..
ساره:يلا بكلمك بعدين عندي انتظار..
ريم:انتظار ولا تصرفيني..
ساره:ههه لا والله انتظار عندي..يلا قلبي..
ريم:سلااام..
بيت فيصل وساره...
ساره:ارد ولا ماارد..لا ماارد احسن..وطنشت ورن مره ثانيه وطنشت ورن مره ثالثه..
ساره:شكل الموضوع مهم مره"ورديت":نعم فيصل..
فيصل بعصبيه:ساعه على متردين..وين كنتي؟؟
ساره:هههههه..
فيصل:وش ألي يضحك..
ساره:لاذه سلطان يقول نكت..
فيصل مستغرب:سلطان!!!
ساره:أي الله يقطع بليسه..نكته تضحك مرره..
فيصل بعصبيه:انتي وينك احين..
ساره بهدوء:انا في البيت..هههه نكته شيء بالصراحه..
فيصل بعصبيه:هو في بيتي..
ساره:لا..هو في المسن..
فيصل يصر باسنانه:بعد ضفتيه بالمسن..
ساره:اكييد..اول مسويت المسن..هو اول واحد اضفته عندي..
فيصل بعصبيه:ادواك عندي لما ارجع..
ساره بهدوء ودلع:فيصل اعصابك..هد..
فيصل:ساره..لاتتريقي علي..
ساره:كل ذي غيره..ارتاح انا مكلم سلطان..
فيصل:....................
ساره:خذت لي مده طويله مكلمته..
فيصل:مسافه الطريق وجاي..
ساره وانا اشوف الساعه:مو كنه بدري احين الساعه12:30..
فيصل:ليه متبين تشوفيني...
ساره(انت شوفتك عيد وبعادك جمره حراق):.................... كمل:متبـيـن تجاوبين..على العموم انا مو جاي عشان سواد عيونك..انا جاي عشان اريح الاجتماع تعبني..
ساره(ياجعل التعب فيني ولا فيك):اهاا..
فيصل بصرااخ:آآآه..
ساره بخوف:فيصل..فيصل وش فيك؟؟ وسمعت صوت سيارات..

من طرف **PANDOL** الأحد يونيو 15, 2014 12:18 pm

غصبن عني حبيتها * 19*

غصبن عني حبيتها * 19*

رد: غصبن عني حبيتها * 19*