التابعة اعراضها وعلاجها

من طرف **عيون الريم** الأحد فبراير 03, 2013 10:52 pm

اعراض التابعه

- احلام بقطط - براعصه - حيات - عقارب - امراة تضحك عليك - او تطل عليك وتخافين منها
- احساس انه احد خلفك ويلحقك واحساس بالخوف
- مشاكل مع الزوج فترة التبويض
- تحلمين انه محارمك يعاشرونك معاشرة الازواج
- تطلع لج كدمات بالجسم او خموش فجاه بعد الاستيقاظ من النوم
- ضيق وبكاء بالصدر وعدم شعور بالامان
- احتباس الدورة وتاخرها وتلخبطها
- سقوط الحمل
- موت الاجنه
- تليفات بالرحم
- نزيف في غير وقت الدورة
- موت المولود بالمهد

اللى فيها شى من هالاعراض واحد او اكثر او كلها يعنى فيها تابعه والتابعه نوع من الجن وظيفتها قطع النسل

العلاج ركزوا معاي :

علاج ينقسم الى اقسام

اولا : نفسك

- تييبين ماي صحة وتقرين عليه الرقيه بخشوع وقلب منيب او تشترينه من اي راقي ثقه

تشربين الماء الى الارتواء ( تفهمون معاى يعنى تشربينه لحد ما تحسين بطنك امتلاء او حتى لو كانك بترجعين عادى واذا رجعتى احسن بعد دليل انه تابعتك قويه وترفض العلاج بس انت عانديها وكونى قويه بالله وتعالجى )

- جيبي دلو فاضى وحطى فيه سدر حفنه بيدك وحطى عليها ماى مقري وشوية ملح وبعدين زيديها ماى من الحنفيه ودشى الحمام نقعى بالبانيو او الدش وتسبحى بالخلطة هذى ودلكى جسمك فيها زين

- بعدين جففى جسمك بالفوطة ولا تحطين عليه ماى ثانى لا خلى خلطة السدر والماى المقري عليك مجرد طبطبه بالمنشفه

- جيبي زيت الزيتون ودلكى جسمك فيه كله من رقبتك الى اصابع رجليكى والعورة وكل شى طبعا الزيت مقري فيه الرقيه تشترينه او انت تقرين فيه ودهنة وجهك وامسحى شويه على شعرك

- بعدين تجيبين مسك الطهارة اللى هو المسك الاسود وتحطينه على شاش او كلينكس وتمسحين فيه من تحت ( العورة )

* الحين اطلعى من الحمام والبسى هدومك وقولى اذكار النوم ونامى ( هذا برنامج يومى تسوينه قبل النوم لين تحملين باذن الله وتكملين لين الولادة اللهم امين يارب يارب يجبر بخاطرنا )

========
ثانيا : بيتك

يوميا قبل النوم او مساء

- شغلى البقرة كامله بالبيت وعلى عليها ( والافضل انت تقرينها كامله يوميا بالبيت بصوت مسموع )

إضغط على الصورة لتكبيرها ... أبعاد الصورة الأصلية 512x384 وحجمها 22 كيلو بايت .

- اذا بيتك دور واحد ( جيبيى حفنه ملح خشن حطيها بدلو وصبي عليها كوب ماء مقري ) بعدين روحى لكل زاويه بالبيت وحطى الملح شويه مقدار ملعقة كل زوايا بيتك غرفه غرفه والممرات ما عدا الحمامات تكرمون
اذا دورين حفنتين ملح اذا 3 ادوار 3 حفنات وهكذا

- راح يبقى من الملح بالدلو صبي عليه ماى من الحنفيه لاخرة وروحى لباب بيتكم ( البوابات الرئيسية ) ورشى على العتب ومدخل البيت جدام بابكم ويمينه ويسارة وخلى الماى يسيل بالشارع احسن
( على صلاة الفجر يمكن تشوفين روس حيوانات ميته ولا دم ولا شعر ولا بلاوى عادى تجاهليها وسمى وحذفيها هذى اسحار الجن احترقت وكل يوم راح تشوفين بلاوى لين تنظف داركم وانت تعرفون اسحار الخدم والبلاء ربي يكفيكم اياه )

- اذا شاكة باحد حاسدك اعزميها عندك واخذى ماء فناييلها ولا باقي عصيرها وحطيه بماء وسدر وتسبحى فيه وتوضى منه 3 ايام وبتشفين باذن واحد احد اذا صعبه عليك هالحركة شيلتها ولا ملابسها انقعيها بماى وتسبحى بالماء هذا او اذا جتك وراحت امسحى عتب الباب بفوطة نظيفه مبلوله بماى كثير واعصري الماء بدلو بعدين تسبحى بالماء هذا بعد ما تخلطينه بالسدر والماء المقري(يا بنات شلون تعرفين الي حاسدك وانتي بالاصل ماتعرفينه..
1-تتثاوبين جدامه بشكل موطبيعي
2-تحسين بآلام بالظهر او بالبطن اوعوار راس يعني تمرضين اوتحسين نفسك تعبانه
3-احياناماترتاحين نفسيا بهذا الشخص يعني يكنتم صدرك منه فجاه
هذا كلام شيخ يقول اذا حسيتي بكل هذي الاعراض لازم تاخذين من فضلته وتغتسلين منها عشان تروح العين منك والمرض ..

- اخيرا : اخذى فانيلة ريلج اذا بدل هدومة قبل تغسلينها يعنى يكون فيها عرق ونقعيها بالماى وعصريها وهالماى حطى عليه سدر وملح وشويه ماى مقري وروحى تسبحى فيه يمكن زوجك اهو اللى فاز فيج ومعطيج العين من فرحته فيج والله وحدة سوتها وسبحان الله طلع ريلها فاز فيها من ليلة الدخله ( مسكين مو مصدق نفسه تزوج )
=========

يا بنات والله العظيم قريبيتى لها 9 سنوات ويابت بنوته بفضل الله ثم الالتزام 3 اشهر بالعلاج وحملت وكانت حالتها كسيفه وتطلع لها اورام برحمها وسوت انابيب وكله فشل بفشل اثاري كله من التابعه وفجاة حملت طارت من الفرحة

واعرف حريم كثير راحوا له وتبارك الله حملو ا

هذا العلاج وقسم بالله صادقه بكل كلمة ما ابي منكم الا الدعاء الخالص تكفون

ان الله يشفينى

ويرزقنى الذريه الصالحه

ويسخرلى زوجى

ويحفظ لي ولدي حبيبي

وينصرنى على من ظلمنى وافتري على..[size=9]منقول للامانه

من طرف **همسة** الجمعة نوفمبر 22, 2013 12:18 am

التابعة اعراضها وعلاجها

التابعة اعراضها وعلاجها

رد: التابعة اعراضها وعلاجها