غصبن عني حبيتها *

غصبن عني حبيتها
للكاتبه(Sandra-kas)

روايه تتحدث عن الحب والرومانسيه والخيانه والانانيه..و..و..

ابطال القصة:
عايلة ابوحمد:
سعد وهو الاب،الهنوف وهي الام،حمد وعبدالله وحنان وريم وسارة ورغد
عايلة ابو جاسم:
محمد وهو الاب،عائشه وهي الزوجة،جاسم ونوف وصيته وأحمد وفاطمة
عايلة ابو عبدالله:
مبارك وهو الاب، عواطف وهي الزوجة، عبدالله وراشد وعفراء واسماء وسارة
عايلة ابو فيصل:
خالد وهو متوفي منذ 6سنوات وهو الاب،غديروهي الام، فيصل وغادة وام نواف
عايلة ابو جمعان:
متعب وهو الاب،منيرة وهي الام،جمعان مات من 5سنوات،نورة وسارة ماجد وعبدالله
وفي شخصيات اخرى مهمه راح تظهر عند سردي لرواية..
البارت الاول:
في بيت ابو حمد
ام حمد(الهنوف):سارة ياسارة تعالي
سارة وانا البس عبايتي:جايه يمه..الله يهديك بس
ام حمد:يلاا بيروح حمد عنك يلا عجلي..
سارة:واخواتي ركبوا ولا
ام حمد:من 5 دقايق يلا روحي
لبست برقعي وركبت السيارة واخوي معصب واخواتي بعد حمد وهو معصب: انا آخر مرة راح اوديكم اخر مرة خلوا عبيد يوديكم زين
..الكل سكت لانه يخوف وهو معصب.. ووصلنا بيت خالي محمد(ابو جاسم).. نزلت وسلمت على نوف وفاطمة وصيته سلمت على مرت اخوي نورة وحبيت راسها وقعدنا معهم..
ام جاسم:وش اخبارك ياسارة محلوة بسم الله عليك..
سارة:تحلا ايامك ياخالتي
ام جاسم:إلا وش اخبار امك عساها طيبة وليش مجت معاكم..
ريم:الحمدلله زينه..هي بتروح المزرعة..
ام جاسم: مع مين
حنان:مع خالتي منيرة
ام جاسم: الله يعين..
وقعدت اسولف مع نوف وأخواتها وجات الساعة 11 وجاء اخوي ورحنا معاه ولف عند المزرعة مشان يا اخذ امي وخالتي ووصلها عند بيتها
حمد:يمه..أنا قلت لك مراح اوديهم مرة ثانية خلي عبيد يوديهم..
ام حمد:الله يهديك..خلاص بخلي عبدالله يوديهم بكرة لعند خالتهم منيرة..
حنان:صدق يمه بنروح..
ام حمد:أي..وبخليكم تنامون عندها 3ايام..
رغد:غريبة وش الطاري!!
ام حمد: يعني متبون تغيرون جو
حنان متشوقة:إلا نبي..
ام حمد:بس مو بيتها في مزرعتها
سارة:ليه!! مزرعت خالتي مو حلوة شينه حتى حمام حقها مهتري وكلا صراصير..مابي اروح والله بقطن
ريم: أي وحرر مرررة ماابي انا بعد..
أم حمد:سلامات انتي وياها..عدلت المزرعة ورممتها وطلعت احسن من اول فرشت ونظفت وبنت حتى انها مسويه مسبح كبير لنا..
حنان ورغد: والله وناسه..
ريم:من متى مصلحته خالتي من راح يجي بس حنا
ام حمد:من 6 اشهر..لا بيجون عيال خالك مبارك ومحمد
رغد:ليه مقلتي لنا يعني الموضوع سر هاه..
ام حمد : اصلنا هي مقالت لي انا بعد بس قالت لي ان حنا معزومين عندها يعني تسوي احتفال..
سارة:اخذ والله وتطورت خالتي بعد..
ريم وحنان وحمد:هههههههه
ام حمد: اقول اعقلي انتي وياها هذه جزاتها..
سارة :الله يهديك يايمه والله امزح..
عايلة ابو جمعان
ام جمعان:بتروحين غصب عليك سامعه..
نورة:ماابي غصب هو
ام جمعان:اسكتي ياجليله الحيا احين وش بيقولون عني اعزم وعيالي هم اول ناس ميجون!!
نورة: يمه عفيا ماابي اروح رجلي تعورني مقدر
سارة:اقول اسكتي احسن لك انا من زماان ابي اطلع بس انتي ماتبن كيف الناس تشوفك..
نورة:ومن قال لك اني ابي اتزوج عشان اطلع..اسكتي..اسكتي.. احسن لك أنا اكلم امي مو انتي..
ام جمعان:وامك تقول لك بتروحين غصبن عليك سامعه..
وراحت ام جمعان عنهم لانها ملت من بناتها وتبي تزوجهم بس محد طق بابهم..
سارة:كم يوم امي قالت راح نتم في المزرعة..
نورة بملل: 3 ايام والله طفش ماودي اروح..
سارة:طب ليه متبين تروحين..
نورة:محب اطلع من البيت فهمتي انا بيتوتيه..
سارة:عشتوا.. حتى انا زيك بس مليت كلا نوم واكل وتلفزيون ونوم واكل...كلا كذا السالفة نبي نغير المنيم شوي..وراحت فتحت شنطة وحطت اغراضها واغراض اختها نورة
في الصالة..ام جمعان رفعت السماعة:الو هلا ام فيصل..أخبارك..
ام فيصل:هلا بمنيرة..هلا بالقاطعه مدقين ولا تسالين؟؟
ام جمعان:وش اسوي بعد..انا منشغلة في الترميم..
ام فيصل:ترميم..اي ترميم..
ام جمعان:ترميم المزرعة..
ام فيصل:بعد ولا تقولين لي هين هين..
ام جمعان:ههههه الله يهديك بس انا متعمده اني اخلي الموضوع سر حتى عن اختي هي مدرت إلا اليوم يوم تجي في المزرعة..إلا شكنت بقول لك ام فيصل انتي معزومه عندي في المزرعة
ام فيصل:حصل خير أي يوم
ام جمعان:بكرة وبتجلسين هناك 3 ايام
ام فيصل:لا عاد طويلة ذي
ام جمعان:والله لزعل منك وجيبي فيصل خليه يستانس كلا بس بشغله وخليه يجيب معاه مرتة حصة..
ام فيصل:والله وش اقول لك..فيصل طلق حصة
ام جمعان متفاجئة:من متى طلقها!!
ام فيصل: والله خذ له اسبوعين..وزيادة
ام جمعان:غريبة مسمعت.. بس ليه طلقها..
ام فيصل توهقت:علمي علمك انا والله مدري تصديقين انه مقال لي!!! كل مسئله ميجاوب ولا يغير الموضوع..
ام جمعان:الله يعين بس..
عايلة ابو عبدالله
ام عبدالله في التلفون:خلاص الهنوف..ابشري..سلاام وسكرت السماعة
ابو عبدالله:هاه وش تبي اختي الهنوف
ام عبدالله: أي..تقول ان احنا معزومين عند مزرعة اختك منيرة..قالت لي انها مدقت علي منيرة لانها مشغولة شوي
ابو عبدالله: أي حصل خير..
ولا بدخلة سارة وعفراء:عن وش تتكلمون كنا سمعنا عزيمة
ام عبدالله:ايه هاذي عمتكم منيرة مسويه عزيمه في مزرعتها وقالت لنا نتم هناك يومين او ثلاثه
عفراء:وناسه بس حنا ولا عيال عمتي الهنوف راح يجون
ام عبدالله:لا..بيجون ناس واجد لان عمتك مخلت حد إلا وعزمته
سارة:وش عندها!!
ام عبدالله"تمد القهوة لابو عبدالله":تقول انها توها مخلصه ترميم المزرعة
عفراء:بعد.. حلوة يمه ولا
ام عبدالله:والله انا مشفتها لسه...
ابو عبدالله"وهو يقوم":اجل انا اترخص
ام عبدالله:على وين ياابو عبدالله..
ابو عبدالله: عند الشباب..وبيني وبينك زين انها عزومة عامه بعزم خويي وعياله بعد....
بيت ابو حمد
في الصاله..سارة:يمه كلمتي عيال خالي مبارك..
ام حمد:أي كلمتهم
سارة:وعيال خالي محمد..
ام حمد:تصدقين اني نسيت بشوف وكلم خالتك كان عزمتهم ولا..
سارة:أي والله يمه تاكدي اخاف بعد ننسى ويزعلون وتصير مشاكل حنا في غنا عنها..
ورحت المطبخ وعملت تشيز كيك بالتوت وتشير كيك الاوريو بس على اكواب وعملت كيك باسكن روبنز طبعا عملت كمية كبيرة منهم..ووضعتها في البراد ورحت شفت ريم ورغد يرتبون ملابسهم ويحطونهم في الشنطة..سارة:خلصتوا ولا
ريم:أي خلصنا بس باقي المنظفات منظفات الجسم..
رغد:وانتي سارة خلصتي ولا... وش راح تودين معاك
سارة:أنا لسه مابديت.وش بودي يعني..
حنان"وهي طالعه من الحمام"كرمكم الله":ريم لاتنسين معجون الاسنان معاك"وهي تمده لريم" إلا وش بنسوي لرحنا هناك اقصد اكل لان عيب نروح ولا نسوي شيء ما..
رغد:أي والله
ريم:انا مالي خلق اسوي لان باقي لي احط المكياج والسشوار والعطور لي..
سارة:حشى كل ذه وبعدين لاتحاتون انا سويت حلى
رغد استغربت:متى!!
حنان:أي والله منتبهنه لك
سارة:وين تنتبهون وانتوا تجهزون اغراضكم..
إلا ودخله امي ام حمد: انتوا لمتى بظلون صاحيني احين الساعة 1ونصف ونتوا لسه ترى حنا بنروح لهم الساعة تسع
رغد:ول بدري يمه
ريم:أي والله
الهنوف:لان لازم نساعد خالتك بالغدا نسيتوا ولاتنسوا انها عازمه الفريج معها..
سارة:يمه وش رايك نجيب معانا خضروات وفواكة وصحون زيادة..لان أي صحون هذه الي راح تكفي لضيوف الي ع قولتك فريج..
الهنوف :متخافين انا بصحى الساعة سبع ونصف وراح اجهز الاغراض..يلا روحوا ناموا...
عايلة ابو جمعان
في الصباح عند الساعة 7:00ام جمعان:وجع جدي يلا اصحوا يلاا
نورة"وهي تتثائب":اههه توا الناس يمه
ام جمعان:اقوول يلا بلا دلع سويره يلا اصحي ويهد
سارة:انزين بصحى
ام جمعان:يلا روحوا توضوا وصلو وتعالوا لي في المطبخ عشان تساعدوني... وقامت سارة وراحت الحمام"وانتوا بكرامه" وصلت ونزلت وساعدت امها..

من طرف **ماجد** الخميس يونيو 19, 2014 8:54 am

غصبن عني حبيتها *

غصبن عني حبيتها *

رد: غصبن عني حبيتها *